იმერლები მზადებას განაგრძობენ

საფეხბურთო კლუბი ”ზესტაფონი” საქართველოს XXVI ეროვნული ჩემპიონატის საგაზაფხულო სტადიის მატჩებისათვის მზადებას განაგრძობს.

დღევანდელი ვარჯიში მცირე მოთელვით დაიწყო, რომლის შემდეგაც ყურადღება დაცვის ფაზაში მოქმედებათა კოორდინაციაზე გათვლილ ტაქტიკური ხასიათის წვრთნაზე გამახვილდა. ვარჯიშის მიწურულს კი ფეხბურთელებს ბურთთან მუშაობის საშუალებაც მიეცათ.

ხვალ, 7 თებერვალს, საფეხბურთო კლუბი “ზესტაფონი” მიმდინარე წელიწადში რიგით მეორე საკონტროლო მატჩს ჩაატარებს. ქვეყნის ორგზის ჩემპიონ ზემოიმერლებს ეროვნული ჩემპიონატის პირველ ლიგაში მოასპარეზე საფეხბურთო კლუბი “სტუ-ნორჩი დინამო” დაუპირისპირდება. თბილისელებთან მატჩი თბილისის ზღვასთან მდებარე იმერელთა ბაზაზე გაიმართება და 14:00 საათზე დაიწყება.

ჩვენ კი გთავაზობთ ფოტორეპორტაჟს, რომელიც ზესტაფონელთა დღევანდელი ვარჯიშის მიმდინარეობას ასახავს.

FCZestafoni.Ge