ინგლისი: 24-ე ტურის პრევიუ
Fanebi.com წარმოგიდგენთ ინგლისური პრემიერლიგის 24-ე ტურის მიმოხილვას.
ტოტენჰემი – არსენალი
ინგლისური პრემიერლიგის 24-ე ტურის ერთ-ერთ ცენტრალურ შეხვედრას ლონდონმა უმასპინძლა. “უაით ჰარტ ლეინზე” “ტოტენჰემმა” “არსენალი” მიიღო და დერბი მნიშნველოვანი გამარჯვებით დაასრულა.
ანგარიში პირველ ტაიმში სტუმრებმა ოზილის გოლით მე-11 წუთზე გახსნეს და შესვენებაზეც დაწინაურებულები გავიდნენ. თუმცა, მეორე ნახევარში “ტოტენჰემმა” ჰარი კეინის ძალისხმევით 56-ე წუთზე ჯერ გაათანაბრა, მატჩის დასრულებამდე 4 წუთით ადრე კი იმავე კეინის მიერ გატანილი გოლით გამარჯვებაც მოიპოვა.
ამ შედეგის გათვალისწინებით “ტოტენჰემმა” სატურნირო ცხრილში “მეთოფეებს” გადაასწრო და მეხუთე პოზიციაზე გამაგრდა.
ევერტონი – ლივერპული
ტურის კიდევ ერთი ცენტრი ლივერპულშ იყო, სადაც “გუდისონ პარკამა” მერსისაიდულ დერბის უმასპინძლა.
მატჩი “ლივერპულის” მცირე უპირატესობით წარიმართა, რასაც მატჩის სტატისტიკაც ასახავს. თუმცა, საბოლოო შედეგზე ამას გავლენა არ მოუხდენია. სტივენ ჯერარდის უკანასკნელი დერბი გატანილი გოლების გარეშე, 0:0 დასრულდა. არადა, “ლივერპულის” კაპიტანს გოლის გატანა განსაკუთრებით სურდა, რაც მატჩის დაწყებამდეც განაცხადა.
ვესტ ჰემი – მანჩესტერ იუნაიტედი
ტური ლონდონში გამართული კიდევ ერთი საინტერესო შეხვედრით დასრულდა. “მანჩესტერ იუნაიტედი” “ვესტ ჰემს” ესტუმრა და მარცხს მსაჯის მიერ კომპენსირებულ წუთებზე გადაურჩა.
უგოლო პირველი ნახევრის შემდეგ ანგარიში 49-ე წუთზე კოიატემ გახსნა და “ვესტ ჰემი” დაწინაურდა. უპირატესობის შენარჩუნება “ჩაქუჩებმა” ძირითადი დროის დასრულებამდე შეძლეს, თუმცა მსაჯის მიერ დამატებულ მეორე წუთზე ანგარიში ბლინდმა გაათანაბრა.
დაკარგული ქულები მანჩესტერისთვის დაკარგული მესამე პოზიციის ტოლფასი აღმოჩნდა. “იუნაიტედს” წაფორხილება “საუთჰემპტონმა” არ აპატია.
ტურის ყველა მატჩი
| 07.02 | 19:00 | ლესტერი |  |
0:1 |  |
კრისტალ პალასი | დაწვრილებით | |
| 08.02 | 18:00 | ნიუკასლი |  |
1:1 |  |
სტოკ სიტი | დაწვრილებით | |
| 07.02 | 16:45 | ტოტენჰემი |  |
2:1 |  |
არსენალი | დაწვრილებით | |
| 07.02 | 19:00 | სუონსი |  |
1:1 |  |
სანდერლენდი | დაწვრილებით | |
| 07.02 | 19:00 | ქ.პ.რ. |  |
0:1 |  |
საუთჰემპტონი | დაწვრილებით | |
| 07.02 | 19:00 | სიტი |  |
1:1 |  |
ჰალ სიტი | დაწვრილებით | |
| 07.02 | 19:00 | ვილა |  |
1:2 |  |
ჩელსი | დაწვრილებით | |
| 07.02 | 21:30 | ევერტონი |  |
0:0 |  |
ლივერპული | დაწვრილებით | |
| 08.02 | 16:00 | ბარნლი |  |
2:2 |  |
ვესტ ბრომვიჩი | დაწვრილებით | |
| 08.02 | 20:15 | ვესტ ჰემი |  |
1:1 |  |
მანჩესტერი | დაწვრილებით |
