„დილამ“ თურქული შეკრება გამარჯვებით დაასრულა

თარიღი: თებერვალი 9, 2015

გორის „დილამ“ 9 თებერვალს თურქულ შეკრებაზე ბოლო სპარინგ-მატჩი რუმინული ბუქარესტის „რაპიდის“ წინააღმდეგ გამართა და მეტოქე მინიმალური ანგარიშით 1:0 დაამარცხა.

ჩვენმა გუნდმა უცხოური მოსამზადებელი ეტაპის განმავლობაში 4 ამხანაგური შეხვედრა ჩაატარა. აქედან ორი ფრედ პოლონურ „იაგელონიასთან“ და გერმანულ „აურბახთან“ ერთნაირი ანგარიშით 1:1 დაასრულა, ხოლო ბოლო ორი დაპირისპირება გამარჯვებით დაასრულა. ჯერ შვეიცარიული „იანგ ბოიზი“, დღეს კი ბუქარესტის „რაპიდი“ მინიმალური ანგარიშებით 1:0 დაამარცხა.

ბუქარესტის „რაპიდი“ რუმინული ფეხბურთის ერთ-ერთი ყველაზე ტიტულოვანი გუნდია. დღევანდელ შეხვედრაში კი გორის „დილა“ თუ არ ჯობნიდა მეტოქეს, ტოლი მაინც არაფერში დაუდო. პიველმა ნახევარმა ჩვენი ფეხბურთელების უპირატესობით ჩაიარა და შეიქმნა რამოდენიმე ხელსაყრელი მომენტი. პირველი წუთები თანაბარი ბრძოლით მიმდინარეობდა, შემდეგ კი ნელ-ნელა უპირატესობა „დილას“ ფეხბურთელებმა იგდეს ხელთ. დასაწყისშივე გუნდის კაპიტანმა ალექსანდრე კვახაძემ თავისი გუნდის შეტევა წამოიწყო და ლუკა რაზმაძეს მოძებნა, რომელმაც გიორგი სეთურიძეს კარგი გადაცემა გაუკეთა. რომ არა რუმინელთა მეკარის კარგი თამაში ანგარიში დიდი ალბათობით გაიხსნებოდა. საწყის წუთებში გიორგი ხიდეშელმა თამაშის გაგარძელება ვეღარ შეძლო და ცვლილება მოითხოვა, მის მაგივრად კი ალან ბაგაევი შევიდა სათამაშოდ.

მე-15 წუთზე მოდებაძეს შეექმნა ძალიან კარგი მომენტი. კვეკვესკირმა ფლანგზე ხურცილავა მოძებნა, რომელმაც ერთი შეხებით საჯარიმოში ჩააწოდა, სადაც მოდებაძემ ყველას დაასწრო, თუმცა მისი დარტყმა არაზუსტი გამოდგა.
მე-18 წუთზე სახიფათო საჯარიმო ნიკა კვეკვესკირმა შეასრულა, რომლის დარტყმულიც ცოცხალ კედელში მყოფ ფეხბურთელს მოხვდა და მოედნის ფარგლები ისე დატოვა.

31-ე წუთზე რუმინელებმა ნიკულაიას სახიფათო დარტყმით უპასუხეს, რომელიც სომხიშვილმა ნახტომით მოიგერია. შემდეგ თამაში ძირითადად მოედნის ცენტრში მიმდინარეობდა და პირველი ნახევარი უცვლელად 0:0 დასრულდა.
მეორე ტაიმის პირველი ნაწილი თანაბარი ბრძოლით მიმდინარეობდა. ჩვენი ფეხბურთელები ყველა მომენტში ბოლომდე ბრძოლობდნენ და მეტოქეს ტოლს არაფერში უდებდნენ. 57-ე წუთზე გორელებმა გააზრებული შეტევა განახორციელეს, რომელიც ბოლოს ფალავანდიშვილის დარტყმით დასრულდა, რომელსაც მცველი გადაეფარა და გადაარჩინა საკუთარი გუნდი. სამ წუთში კი რუმინელების სახიფათოდ შესრულებული ჯარიმა სომხიშვილმა უპრობლემოდ აიღო. მეტოქის კიდევ ერთი შორეული დარტყმა კვლავ გიორგი სომხიშვილმა მოიგერია.

„რაპიდის“ ფეხბურთელებმა ყველაზე რეალური მომენტი 66-ე წუთზე შექმნეს, როდესაც ჩაწოდებული ბურთი საჯარიმოში არეულობის შედეგად ერთ-ერთ რუმინელ ფეხბურთელს მიუვიდა და დარტყმული ხარიხას მოახვედრა. საპასუხო შეტევაზე კი მოდებაძეს მეკარემ სულ ოდნავ დაასწრო.

69’-ე წუთზე სლავკო მარიჩის ჩაწოდებული ბურთი მეკარემ გაჭირვებით მოიგერია. ბოლო ოცი წუთი უკვე მთლიანად ჩვენი ფეხბურთელების უპირატესობით მიმდინარეობდა. ჯერ კვეკვესკირმა მცირედით ააცდინა მიზანს, შემდეგ კი თექთურმანიძემ ახლო მანძილიდან დაარტყა და რომ არა მცველის თავგანწირული თამაში გოლი გარდაუვალი იქნებოდა.

თამაშის მიწურულს ჩვენი ფეხბურთელები განსაკუთრებულად გააქტიურდნენ. 87-ე წუთზე ლაშა გვალიამ და ირაკლი მოდებაძემ მოედნის ცენტრში ბურთი კარგად გაითამაშეს, ამ უკანასკნელმა კი ფლანგზე შეტევაში ჩართულ დავით ხურცილავას გადაუგზავნა ბურთი, რომელმაც მეტოქის საჯარიმოში კარგად ჩააწოდა. რომან ახალკაცმა მეტოქეს დუელი მოუგო, თუმცა თავით ძლიერად დარტყმული მცველს მოხვდა.

90-ე წუთზე გორელმა ფეხბურთელებმა საწადელს მაინც მიაღწიეს. ორმა ახალწვეულმა ლეგიონერმა გადამწყვეტი როლი ითამაშეს ამ ეპიზოდში. მარიჩის მიერ მოწოდებული კუთხური მცველებმა გამოიტანეს, ბურთი მოედნის ცენტრში გვალიამ მიიღო, რომელმაც კვლავ მარიჩს დაუბრუნა, ამ უკანასკნელმა კი ზუსტი და კარგი ჩაწოდებით ალან ბაგაევს, რომელმაც თავური დარტყმით საკმაოდ ლამაზი გოლი გაიტანა და გუნდს ბოლო ამხანაგური სპარინგი მოგებით დაასრულებინა – 0:1.

ჩვენი გუნდი საქართველოსკენ გეზს 10 თებერვალს აიღებს და მეორე წრეს დავით ყიფიანის სახელობის თასის 1/4 ფინალური პირველი დაპირისპირებით გახსნის, რომელიც გორში „თენგიზ ბურჯანაძის“ სახელობის სტადიონზე 18 თებერვალს თბილისის „დინამოს“ წინააღმდეგ გაიმართება.

მატჩის შემდეგ ჩვენი ვებ-გვერდისთვის რამოდენიმე ფეხბურთელს გავესაუბრეთ:

ალან ბაგაევი: „თამაში საკმაოდ საინტერესო გამოვიდა. მოედნის ცენტრში გარკვეულ უპირატესობას ვფლობდით. მეტოქე იყო საკმაოდ ძლიერი და კარგი გუნდი. მიხარია რომ ბოლო წუთებზე შევძელით გატანა. რაც შეეხება გოლს კარგი გადაცემა გამიკეთა სლავკო მარიჩმა და მე ისღა დამრჩენოდა ეს შანსი გამომეყენებინა.“

გიორგი სომხიშვილი: „ვიცოდით რომ საკმაოდ სერიოზულ გუნდთან გვქონდა თამაში. შეკრების ბოლო თამაში იყო და გვინდოდა რომ გამარჯვებით დაგვემთავრებინა. წინ საკმაოდ დაძაბული და საინტერესო მეორე წრე გველის. სეზონს თბილისის „დინამოსთან“ თასის პირველი 1/4 ფინალური დაპირისპირებით ვხსნით. ამ გამარჯვებას ვულოცავ ჩვენს გულშემატკივრებს და თითოეულ ფეხბურთელს.“

ირაკლი მოდებაძე: „საინტერესო შეხვედრა გამოდგა. ეს ერთ-ერთი ყველაზე კარგი თამაში იყო ამ შეკრებაზე. ყველა ფეხბურთელი ბოლომდე დაიხარჯა და „დინამოს“ თამაშის წინ საკმაოდ კარგი სპარინგი გამოგვივიდა. სასიხარულოა რომ ბოლო შეხვედრა გამარჯვებით დავასრულეთ.“

ლუკა რაზმაძე: „დინამოსთან“ მატჩის წინ ბოლო საკონტროლო მატჩი გავმართეთ. მეტოქე საკმაოდ სერიოზული გვყავდა. საერთოდ რუმინული გუნდები გამოირჩევიან ხისტი თამაშით და მადლობა ბიჭებს რომ ორთაბრძოლებში არაფერი დაუთმეს მეტოქეს და საკმნაოდ კარგი განწობა შევიქმენით სათასო დაპირისპირების წინ.“

დავით ხურცილავა: „მოწინააღმდეგე სერიოზული გვყავდა. ჩვენი მეტოქე დიდი ხანია რაც შეკრებილია და ვფიქრობ რომ მწვრთნელის დავალებები კარგად შევასრულეთ და საკმაოდ კარგი განწყობით ვბრუნდებით საქართველოში.“

„რაპიდი“ (ბუქარესტი) 0:1 „დილა“ (გორი)

„დილამ“ ასეთი შემადგენლობით ითამაშა: სომხიშვილი, ხიდეშელი, კვახაძე, ჯაფარიძე, რაზმაძე, ხურცილავა, სეთურიძე, კვეკვესკირი, ფალავანდიშვილი, გორელიშვილი, მოდებაძე.
შეცვლაზე შევიდნენ: ბაგაევი, მარიჩი, ახალკაცი, გვალია, თექთურმანიძე.
გოლი: ბაგაევი (90’) 0:1.

„დილას“ პრესსამსახური



მსგავსი სიახლეები
ფეხბურთი

კვარა თავისი ძმის ვიდეოს აქვეყნებს – “თორნიკე ხვიჩაზე უკეთესია!”

ხვიჩა კვარაცხელია თავისი პატარა ძმის, თორნიკეს ვიდეოს აქვეყნებს, სადაც თორნიკეს ძალიან მაგარი მომენტებია. ხვიჩას პირველმა […]...
წაკითხვა
ფეხბურთი

ფანები “აიაქსში” არველაძის დანიშვნას ითხოვენ!

ამსტერდამის “აიაქსმა” მორის სტეინი გაათავისუფლა და ახალ მთავარ მწვრთნელს ეძებენ. “აიაქსის” ფანების ნაწილი გუნდში შოთა [&hellip...
წაკითხვა
ფეხბურთი

ხვიჩა კვარაცხელია შეუჩერებელია! შეასრულააა (ვიდეო)

ხვიჩა კვარაცხელიამ “ვერონას” წინაააღმდეგ დუბლი შეასრულა. ⚽️ 𝐆𝐎𝐀𝐋 | Verona 0-3 Napoli | Kvaratskheliapic.twitter.com/Pz6vgIZZEd — [&h...
წაკითხვა
ფეხბურთი

გარსიას კვარაზე 2.5-ჯერ მეტი ხელფასი აქვს – დღეში 8000 ათასი ევრო

იტალიური პრესის ინფორმაციით, “ნაპოლის” პრეზიდენტი დე ლაურენტისი სერიოზულად ფიქრობს რუდი გარსია ოქტომბერში მთავარი მწვრთნელის პოსტიდან [&he...
წაკითხვა
ფეხბურთი

საუკეთესო ამბავი ქართველებისთვის – გარსია და სტეინი…

საქართველოს ეროვნული ნაკრების ორ მთავარ ვარსკვლავს, ხვიჩა კვარაცხელიასა და ჟორჟ მიქაუტაძეს ამჟამინდელ მწვრთნელებთან დადებითი ურთიერთობა […]...
წაკითხვა
ფეხბურთი

ლაურენტისმა ერთ-ერთ ლიდერს პირადად მოსთხოვა ხელფასის შემცირება

“ნაპოლის” პრეზიდენტმა დე ლაურენტისმა ერთ-ერთ ლიდერს, პოლონელ პიოტ ზელინსკის ხელფასის შემცირება კიდევ ერთხელ მოსთხოვა. ზელინსკიმ […]...
წაკითხვა
ფეხბურთი

არაბიძე ისევ არაა, მაგრამ სანდრო არის – სანიოლის განაცხადი

საქართველოს ეროვნული საფეხბურთო ნაკრები მოახლოებული მატჩებისთვის მზადებას 9 ოქტომბერს იწყებს. ვილი სანიოლის გუნდი 12 ოქტომბერს, […]...
წაკითხვა
ფეხბურთი

შოთა არველაძე ახალ გუნდს ჩაიბარებს?

შოთა არველაძემ, შესაძლოა, ერთ წლიანი პაუზის შემდეგ სამწვრთნელო კარიერა განაახლოს და თურქული “სამსუნსფორი” ჩაიბაროს. “სამსუნმა”...
წაკითხვა
ფეხბურთი

რა გააკეთა პაატა ღუდუშაურმა, რამაც “ტორპედოს” ფანები განარისხა? (ვიდეო)

ბათუმის “დინამომ” ქუთაისის “ტორპედო” 0-3 დაამარცხა. პაატა ღუდუშაურმა მე-3 გოლი გაიტანა და “ტორპედოს” ფანების წინ, ...
წაკითხვა
ფეხბურთი

ერთი ოჯახი! ძმობა! როგორ დაიცვა ოსიმენმა კვარა (ვიდეო)

“უდინეზესთან” პენალტის დანიშვნის მომენტში კვარა წაიქცა და მასთან “უდინეზეს” მცველი უხეშად მივარდა. ეს ოსიმენმა დაინახა [&helli...
წაკითხვა
ფეხბურთი

იტალიური მედია: “კვარამ გარსიას პოსტი გადაურჩინა”

“ნაპოლიმ” “უდინეზე” 4-1 გაანადგურა და კვარამ საუკეთესოდ ითამაშა. გოლი გაიტანა, საგოლე პასი გააკეთა და პენალტი […]...
წაკითხვა
ფეხბურთი

კვარაცხელიამ 7 თვის შემდეგ შეაგდო და გაგიჟდაა (ვიდეო)

კვარაცხელიამ ძალიან დიდ ხნიანი პაუზის შემდეგ “უდინეზეს” გაუტანა. ყველაფერი თვითონ შექმნა და შეასრულა. ⚽️🇮🇹 GOAL […]...
წაკითხვა
ფეხბურთი

კარგი ამბავი კვარასთვის – ლაურენტისმა პირადად მოსთხოვა გარსიას

ცუდად დაწყებული სეზონის შემდეგ “ნაპოლის” პრეზიდენტმა აურელიო დე ლაურენტისმა მთავარ მწვრთნელ რუდი გარსიას პირადად მოსთხოვა, […]...
წაკითხვა
ფეხბურთი

მოჯი: “ხვიჩა კვარაცხელიას მხოლოდ ერთი რამე შეუძლია”

“იუვენტუსის” ყოფილმა სპორტულმა დირექტორმა ლუჩანო მოჯიმ ხვიჩა კვარაცხელიაზე ისაუბრა, თუმცა უარყოფითად. “კვარაცხელია უდავოდ ნიჭიერია, მაგრამ […]...
წაკითხვა
ფეხბურთი

ჯერ მარუშიჩი, ახლა იმრანი – “დინამოს” მორიგი ლიდერი გაექცა

1 წლის წინ სერბმა თავდამსხმელმა ზორან მარუშიჩმა ეროვნულ ლიგას დასცინა, “დინამოც” უნებართვოდ დატოვა, როცა კონტრაქტი […]...
წაკითხვა