ინგლისი: 25-ე ტურის მიმოხილვა

Fanebi.com წარმოგიდგენთ ინგლისური პრემიერლიგის 25-ე ტურის მიმოხილვავს. 

არსენალი – ლესტერი

დერბიში მარცხის შემდეგ ლონდონის “არსენალმა” აუტსაიდერ “ლესტერს” უმაპსინძლა. “მეთოფეებმა” ლესტერელების მინიმალური ძლევით ხასიათი მინიმალურად გამოისწორეს. თუმცა, ყველაზე მნიშვნელოვანი ვენგერისთვის ის იყო, რომ გასულ ტურში მისი გუნდის მთავარმა კონკურენტებმა დაკარგეს ქულები და ოთხეულისთვის ბრძოლა კიდევ უფრო მეტად დაიძაბა.

უშუალოდ ლონდონში გამართულ შეხვედრაში “არსენალმა” პირველივე ტაიმში მოიპოვა ორბურთიანი უპირატესობა. კოშიელნიმ მასპინძლები 27-ე წუთზე დააწინაურა, ხოლო შესვენებამდე 4 წუთით ადრე უოლკოტმა მეორეც გაიტანა. შესვენბის შედმეგ “ლესტერმა” კრამარიჩის ძალისხმევით სხვაობა შეამცირა, თუმცა მეტის გაკეთება სტუმრებმა ვეღარ შეძლეს.

ჩელსი – ევერტონი

გამარჯვება გათამაშების ლიდერმაც იზეიმა. თუმცა, “ევერტონის” დასამარცხებლად ლოდონელებს დიდი ძალისხმევა დასჭირდათ. “არისტოკრატებს” მთელი შეხვედრის განმავლობაში ექმნებოდათ მომენტები, თუმცა “ევერტონის” კარში დაბრუნებული ბენ ჰოვარდი მოწოდების სიმაღლეზე იყო. უსაქმოდ არც პეტერ ჩეხი იყო, რომელმაც საკუთარ გუნდი ლუკაკუს დარტყმის შემდეგ შესანიშნავი სეივით გადაარჩინა.

გადამწყვეტი მატჩის ბოლო წუთები გამოდგა. 88-ე წუთზე ბარიმ ვილიანზე უხეში თამაშის გამო მეორე ყვითელი მიიღო და მოედანი დატოვა. ზუსტად ერთ წუთში კი ანგარიშიც გაიხსნა. გოლის ავტორი წინა ეპიზდოში დაზარალებული ვილიანი გახდა – 1:0.

ლივერპული – ტოტენჰემი

სანახაობრივი გამოდგა ლივერპულში გამართული ტურის ცენტრალური მატჩი, რომელშიც ერთმანეთს “ლივერპული” და “ტოტენჰემი” დაუპირისპირდნენ.

ანგარიში მასპინძელბმა მე-15 წუთზე ლაზარ მარკოვიჩის გოლით გახსნეს, თუმცა სტუმრებმა სულ რაღაც 11 წუთში ჰარი კეინის ძალისხმევით აღადგინეს წონასწორობა. “ლივერპული” წინ მეორე ტაიმის დასაწყისში გავიდა, როცა სტივენ ჯერარდმა პენალტი ზუსტად შეასრულა, მაგრამ “ტოტენჰემმა” ამ შემთხვევაშიც სწრაფად გაათანაბრა – 61-ე წუთზე დემბელემ იმავე კეინის გადაცემით შეაგდო.

გადამწვყეტი გოლი შეხვედრის 83-ე წუთზე გავიდა და მისი ავტორი შეცვლაზე შემოსული მარიო ბალოტელი გახდა, რომელმაც მიმდინარე სეზონში პრემიერლიგაში პირველად გაიტანა.

ტურის ყველა მატჩი

10.02	23:45	არსენალი		2:1		ლესტერ სიტი		დაწვრილებით
10.02	23:45	ჰალ სიტი		2:0		ასტონ ვილა		დაწვრილებით
10.02	23:45	სანდერლენდი		0:2		ქუინს პარკი		დაწვრილებით
10.02	23:55	ლივერპული		3:2		ტოტენჰემი		დაწვრილებით
11.02	23:45	სტოკ სიტი		1:4		სიტი		დაწვრილებით
11.02	23:45	ჩელსი		1:0		ევერტონი		დაწვრილებით
11.02	23:45	საუთჰემპტონი		0:0		ვესტ ჰემი		დაწვრილებით
11.02	23:45	მანჩესტერი		3:1		ბარნლი		დაწვრილებით
11.02	23:55	კრისტალ პალასი		1:1		ნიუკასლი		დაწვრილებით
11.02	23:55	ვესტ ბრომვიჩი		2:0		სუონსი სიტი		დაწვრილებით