აზარი: “პსჟ-ს პრობლემები აქვს, მაგრამ დიდებული მოთამაშეებიც ჰყავს”

ლონდონის “ჩელსის” ნახევარმცველმა, ედენ აზარმა ჩემპიონთა ლიგის 1/8 ფინალური ეტაპის მოახლოვებულ მატჩზე ისაუბრა, სადაც “არისტოკრატები” ფრანგულ “პსჟ”-ს დაუპირისპირდებიან.

ეს ორი გუნდი გასულ სეზონშიც შეხვდა ერთმანეთს მეოთხედფინალურ სტადიაზე, სადაც ორი მატჩის ჯამში “ჩელსიმ” იმარჯვა(1-3, 2-0).

“არ ვფიქრობ, რომ გასულ წელს სასწაულის ხარჯზე გავედით. პირველი მატჩი 3-1 არ უნდა წაგვეგო. კონტრშეტევებით უკეთესნი ვიყავით, მაგრამ დაცვაში ბევრი შეცდომა იყო. რა თქმა უნდა, იღბალი დაგვეხმარა, როდესაც განმეორებით მატჩში გამარჯვების გოლი ბოლო წუთზე გავიტანეთ. ამჟამად კარგ ფორმაში ვართ და დარწმუნებული ვარ, გულშემატკივარი ამ ორ გუნდს შორის საინტერესო დაპირისპირებას იხილავს”.

“საფრანგეთის ჩემპიონატს თვალს დღემდე ვადევნებ. მიუხედავად იმისა, რომ “პსჟ”-ს პრობლემები აქვს, მათ დიდებული მოთამაშეებიც ჰყავთ. ალბათ, ჩვენ უფრო კარგ სიტუაციაში ვართ,”-განაცხადა აზარმა.

პირველი მატჩი “პსჟ”-სა და “ჩელსის” შორის სამშაბათს, პარიზში გაიმართება.