ანჩელოტი: “მომდევნო სამი მატჩი “რეალისთვის” ისეთივე მნიშნელოვანია, როგორც ელ კლასიკო”

მადრიდის “რეალის” მთავარმა მწვრთნელმა, კარლო ანჩელოტიმ განაცხადა, რომ მისი გუნდის მოთამაშეები პრიმერა დივიზიონის ყველა მატჩს იგივე მნიშვნელობით უყურებენ, როგორც ელ კლასიკოს.

როგორც იცით, 22 მარტს ევროპის ერთ-ერთი ყველაზე პრესტიჟული დაპირისპირება, ელ კლასიკო გაიმართება, ხოლო მანამდე “რეალს” სამ გუნდთან აქვს თამაში. “ვილიარეალთან”, “ლევანტესთან” და “ატლეტიკთან”.

“სანამ “ბარსელონას” დავუპირისპირდებით, მანამდე სამი მატჩი გვაქ, რომლებიც ისეთივე მნიშვნელოვანია, როგორც კლასიკო”.

“რაც შეეხება როტაციას, არ ვაპირებ მივმართო მას. გუნდი სუფთა და კარგ ფეხბურთს აჩვენებს, ხოლო ცვლილებები ძალიან აგვრევს”.

“ლუკა მოდრიჩი? – იგი მუშაობს, მაგრამ მზად ჯერაც არ არის. ვიმედოვნებ, “შალკესთან” თამაშს შეძლებს,”-განაცხადა კარლო ანჩელოტიმ.

ესპანეთის 24-ე ტურის შემდეგ, “ბარსელონა” “რეალს” ოთხი ქულით ჩამორჩება.