ლაშა ჩაფიძე: “სამი ქულის მოსაპოვებლად ყველაფერი გავაკეთეთ”
უმაღლესი ლიგის მე-17 ტურში, ქობულეთში გამართულ “შუქურასა” და “გურიას” დაპირისპირებაში მასპინძელთა გამარჯვებაში დიდი როლი ლაშა ჩაფიძემ შეასრულა. შეცვლაზე შესულმა ფეხბურთელმა აქტივში გოლი და საგოლე გადაცემა ჩაიწერა. ქობულეთელებმა კი 2:0 მოიგეს. Fanebi.com მატჩის გმირს დაუკავშირდა და შეხვედრის შეფასება სთხოვა.
– ძალიან დაძაბული თამაში გამოვიდა. ზუგდიდში განცდილი მარცხის შემდეგ ვიცოდით, რომ რთული შეხვედრა გველოდა. ყველაფერი გავაკეთეთ სამი ქულის მოსაპოვებლად და მიზანიც შევასრულეთ. რაც მთავარია, ჩვენი გულშემატკივრების გახარება შევძელით.
– შეიძლება ითქვას, რომ შეხვედრაში გარდამტეხი მოედანზე თქვენი გამოსვლა აღმოჩნდა…
– მარტო ჩემი დამსახურება არ არის. გოლი გავიტანე, მაგრამ ეს გუნდური თამაშის შედეგია. ყველა იმ ფეხბურთელის, რომელიც გუნდში ირიცხება,
– დღეს “შუქურაში” ბრაზილიელ მოთამაშეებს ჰქონდათ დებიუტი… როგორ შეაფასებდით ახალვეულებს?
– მათთვის პირველი თამაში იყო და ბუნებრივია, რომ ამ ეტაპზე შეთანაშების პრობლემა აქტუალურია.
– “შუქურას” საბოლოო მიზანი რა იქნება?
– ჩვენი მიზანი სამეულში მოხვედრაა, რისთვისაც ყველაფერს გავაკეთებთ.
– დასასრულს გკითხავთ, თუ რამდენად მოგწონთ ჩვენი ვებგვერდი?
– თქვენი საიტის ხშირი სტუმარი ვარ და ის ძალიან მომწონს.
