უმაღლესი ლიგა: მე-18 ტურის პრევიუ
უმაღლესი ლიგის მორიგი ტური მოახლოებული სათასო დაპირისპირებების გამო ცოტა უჩვეულო დროს ჩატარდება. თუ პარასკევს ზუგდიდში გასამართ შეხვედრას არ ჩავთვლით, ფაქტობრივად მთელი ტურის შეხვედრები ხუთშაბათს გაიმართება – მათ შორის სამი გამორჩეული მატჩიც.
სამტრედიაში ადგილობრივი კლუბი ბოლნისის “სიონს” უმასპინძლებს, რომლის მიმართ ყურადღება ერთი ორად თბილისის “დინამოს” დამარცხების შემდეგ გაიზარდა. ბოლნისელებმა გასულ ტურში დაამტკიცეს, რომ მათთან იოლი გასეირნება არავის ექნება. სხვა საქმეა, რამდენად შეძლებს “სიონი” თავისი წარმატებული თამაშისთვის რეგულარული ხასიათის მიცემას. “დინამოს” შემდეგ პირველივე სერიოზული გამოცდა ლადო ბურდულის გუნდს ჩემპიონატის კიდევ ერთ ფავორიტთან სტუმრად გასამართ შეხვედრაში ელის.
საინტერესო დაპირისპირება შედგება ქობულეთში, სადაც “ჩელე არენაზე” მესამე ადგილზე მყოფი ბათუმის “დინამო” გათამაშების ახალ ლიდერს, გორის “დილას” მიიღებს. ორივე გუნდი მეორე წრეში შესანიშნავად ასპარეზობს და მთავარი მიზნის მისაღწევად, ანუ ევროთასებზე გასასვლელად, სადაც გორელები ბოლო პერიოდში რეგულარულად ასპარეზობენ ბათუმელებს კი 1998 წლის შემდეგ არ უთამშიათ, ყველაფერს აკეთებენ.
2015 წლის პირველ საშინაო მატჩს ჩაატარებს “დინამო თბილისი”, რომელიც საკუთარ მოედანზე “ზესტაფონს” მიიღებს. ბოლო წლებში ამ გუნდების დაპირისპირება ყოვეთვის ტურის ცენტრალურ და გამორჩეულ მატჩად იყო მონათლული, თუმცა ზამთრის შესვენების დროს იმერულ კლუბში განვითარებული მოვლენების შედეგად ხვალინდელ შეხვედრაში მასპინძლებს აშკარა ფავორიტის სტატუსი აქვთ. მაგრამ, ეს იმას არ ნიშნავს, რომ სტუმრები სტატისტის როლში იქნებიან. თუნდაც გასულ ტურში “ჩიხურასთან” გამოჩენილი ბრძოლისუნარიანობის ხარჯზე გიორგი მიქაძის გუნდს მეტოქისთვის პრობლემების შექმნა შეუძლია.
ტურის ყველა მატჩი
| 05.03 | 15:00 | ჩიხურა |  |
-:- |  |
შუქურა | დაწვრილებით | |
| 05.03 | 15:00 | სამტრედია |  |
-:- |  |
სიონი | დაწვრილებით | |
| 05.03 | 15:00 | გურია |  |
-:- |  |
მეტალურგი | დაწვრილებით | |
| 05.03 | 15:00 | დინამო ბათუმი |  |
-:- |  |
დილა | დაწვრილებით | |
| 05.03 | 15:00 | ტორპედო |  |
-:- |  |
მერანი | დაწვრილებით | |
| 05.03 | 15:00 | ცხინვალი |  |
-:- |  |
ვიტ ჯორჯია | დაწვრილებით | |
| 05.03 | 17:00 | დინამო თბილისი |  |
-:- |  |
ზესტაფონი | დაწვრილებით | |
| 06.03 | 15:00 | ზუგდიდი |  |
-:- |  |
კოლხეთი | დაწვრილებით |
