“მანჩესტერი” “მონაკოსგან” ფალკაოს კონტრაქტის გამოსყიდვას აღარ აპირებს

ფრანგული გამოცემა “ეკიპი” ამტკიცებს, რომ “მანჩესტერ იუნაიტედი” სეზონის ბოლოს “მონაკოსგან” რადამელ ფალკაოს კონტრაქტს არ გამოისყიდის.

“წითელი ეშმაკები” არ აპირებენ ფრანგთა მიერ კოლუმბიელის სანაცვლოდ მოთხოვნილი 55 მილიონი ევროს გადახდას, რამდენადაც მიაჩნიათ, რომ ფალკაო არ ღირს ამდენი.

ცნობაში ნათქვამია, რომ ირიოდე დთვის წინ სიტუაცია სულ სხვაგვარი იყო და “მანჩესტერში” სჯეროდათ, რომ ფალკაო გაიხსნებოდა და იმ თამაშის დემონსტრირებას მოახდენდა, რისთვისაც იგი “ოლდ ტრაფორდზე” ჩაიყვანეს, თუმცა ფეხბურთელი კვლავაც ვერ ამართლებს იმედებს.

აქვე დავამატებთ, რომ მიმდინარე გათამაშებაში ფალკაომ “მანჩესტერის” მაისურით პრემიერ ლიგის 17 მატჩში მიიღო მონაწილეობა, 4 გოლი გაიტანა და ამდენივე შედეგიანი პასი შეასრულა.