პრიმერა: 26-ე ტურის მიმოხილვა
Fanebi.com წარმოგიდგენთ პრიმერა დივიზიონი 26-ე ტურის მიმოხილვას
ატლეტიკო – ვალენსია
ესპანური ლიგის ტურის ცენტრალურმა მატჩმა გამარჯვებული ვერ გამოავლინა. მადრიდში ჩატარებული დაპირისპირება ფრედ, 1:1 დასრულდა.
ხსენებულ შეხვედრაში ანგარიში 33-ე წუთზე მასპინძლებმა კოკეს ძალისხმევით გახსნეს და ტაიმიც მათი გამარჯვებით დასრულდა. ვალენსიელებმა გათანაბრება 73-ე წუთზე მუსტაფის ზუსტი დარტყმით შეძლეს.
ამრიგად, სატურნირო ცხრილში გუნდების პოზიციები უცლელი დარჩა. მესამე ადგილზე კვლავ “ატლეტიკოა” რომელიც, “ვალენსიას” ერთი პოზიციით და ამდენივე ქულით უსწრებს.
ბილბაო – რეალი
ჩვენს ტრადიციულ პრევიუში ამ წყვილზე ბევრი ვისაუბრეთ და ისიც ვიწინასწარმეტყველეთ, რომ მადრიდულ კლუბს ამ შეხვედრაში ძალიან გაუჭირდებოდა. საბოლოოდ კი ისე გამოვიდა, რომ “რეალი” დამარცხდა და სატურნირო ცხრილში პირველობაც კი დათმო.
შეხვედრა მასპინძელთა მინიმალური გამარჯვებით დასრულდა. ერთადერთი გოლის ავტორი კი ადურისი გახდა, რომელმაც 26-ე წუთზე მიკელ რიკოს პასი ზუსტად გამოიყენა. შეხვედრის დასრულებამდე მადრიდელებს გათანაბრების შანსი რამდენჯერმე მიეცათ, მაგრამ ტაბლოზე ცვლილებები აღარ მომხდარა.
ბარსელონა – რაიო ვალეკანო
“რეალის” მარცხით მეორე დღეს “ბარსელონამ” ისარგებლა და სატურნირო ცხრილის სათავეში მოექცა. კატალონიელებმა საკუთარ მოედანზე “რაიო ვალეკანოს” უმასპინძლებს და მეტოქე გამანადგურებელი ანგარიშით, 6:1 დაამარცხეს.
კატალონიელთა მხრიდან ერთი გოლი პიკემ, ორი სუარესმა, ხოლო ლიონელ მესიმ სამი გაიტანა. “ბარსას” კარში კი პრესტიჟის გოლის ავტორი ბუენო გახდა. აღსანიშნავია, რომ სტუმრები 54-ე წუთიდან ტიტოს გაძევების გამო რიცხობრივ უმცირესობაში იყვნენ, თუმცა მე-80 წუთზე წითელი დანი ალვეშმაც მიიღო და მოთამაშეთა რაოდენობა გათანაბრდა.
ტურის ყველა მატჩი
| 06.03 | 23:45 | ლევანტე |  |
2:1 |  |
ეიბარი | დაწვრილებით | |
| 07.03 | 19:00 | დეპორტივო |  |
3:4 |  |
სევილია | დაწვრილებით | |
| 07.03 | 21:00 | ბილბაო |  |
1:0 |  |
მადრიდის რეალი | დაწვრილებით | |
| 07.03 | 23:00 | ელჩე |  |
1:0 |  |
ალმერია | დაწვრილებით | |
| 08.03 | 1:00 | გრანადა |  |
1:0 |  |
მალაგა | დაწვრილებით | |
| 08.03 | 15:00 | ბარსელონა |  |
6:1 |  |
რაიო ვალეკანო | დაწვრილებით | |
| 08.03 | 20:00 | რეალ სოსიედადი |  |
1:0 |  |
ესპანიოლი | დაწვრილებით | |
| 08.03 | 22:00 | ვილიარეალი |  |
4:1 |  |
სელტა | დაწვრილებით | |
| 08.03 | 23:55 | ატლეტიკო |  |
1:1 |  |
ვალენსია | დაწვრილებით | |
| 09.03 | 23:45 | კორდობა |  |
-:- |  |
ხეტაფე | დაწვრილებით |
