დღის 5 სატრანსფერო ჭორი
Fanebi.com დღის გამორჩეულ სატრანსფერო ამბებს წარმოგიდგენთ.
ლივერპული ალვეშის გადაბირებას ცდილობს
“ლივერპული” “ბარსელონას” მცველ დანი ალვეშთან კონტრაქტის გასაფორმებლად აქტიურ მოლაპარაკებებს აწარმოებს. წითლები, იმედოვნებენ, რომ თავისუფალი აგენტისთვის ბრძოლას მოიგებენ.
არსენალი ვესტ ჰემისგან 14 მილიონს ითხოვს
“ვესტ ჰემი” ლონდონის “არსენალთან” იჯარით აყვანილი კარლ ჯენკინსონის გამოსყიდვის თაობაზე აწარმოებს მოლაპარაკებებს. “მეთოფეები” მოთამაშეში 14 მილიონ გირვანქას ითხოვენ.
ინტერი ტულალანს კონტრაქტს სთავაზობს
“ინტერის” ინტერესთა სფეროში “მონაკოს” ნახევარმცველი, ჟერემი ტულალანი მოხვდა. მილანელები ფრანგ ფეხბურთელს 3-წლიან კოტნტრაქტს სთავაზობენ.
ჩელსი რეალს სოლიდურ თანხას სთავაზობს
ლონდონის “ჩელსი” მადრიდის “რეალს” რაფაელ ვარანის სანაცვლოდ 39,4 მილიონ ევროს შესთავაზებს. ინფორმაციას ბრიტანული პრესა ავრცელებს.
სუბოტიჩი არსენალში?
ლონდონის “არსენალი” “დორტმუნდიდან” ნევენ სუბოტიჩის გადაბირებას ეცდება. “მეთოფეები” იმედოვნებენ, რომ ფეხბურთელი გემრანულ კლუბთან კონტრაქტს არ გაახანგრძლივებს.
