დღის 5 სატრანსფერო ჭორი
Fanebi.com დღის გამორჩეულ სატრანსფერო ამბებს წარმოგიდგენთ.
ჩალჰანოღლუს უარი ბარსელონას
“ლევერკუზენელი” ჰაკან ჩალჰანოღლუს აგენტმა მისი კლიენტის მიმართ “ბარსელონას” ინტერესზე ისაუბრა. აგენტის ცნობით, კატალონიურ კლუბს მოთამაშის გადაბირება მართლაც სურდა, თუმცა ამ ეტაპზე ჩალჰანოღლუ ლევერკუზენში თავს კომფორტულად გრძნობს და კლუბის შეცვლაზე არ ფიქრობს.
ინტერი ტულალანს მოელაპარაკა
“მონაკოს” ნახევარმცველი, ჟერემი ტულალანის გუნდს ზაფხულში დატოვებს. გავრცელებული ინფორმაციით, ფრანგი კარიერას მილანის “ინტერში” გააგრძელებს, რომელიც ფეხბურთელს სამწლიან კონტრაქტზე უკვე მოელაპარაკა.
რეალმა ლივერპულს არბელოა შესთავაზა
ბრიტანული პრესის ცნობით მადრიდის “რეალმა” “ლივერპულს” ალვარო არბელოას შეძენა შესთავაზა. მადრიდელები ინგლისელებისგან 5 მილიონ ევროს ითხოვენ.
ბარსელონა დუგლას კოსტათი დაინტერესდა
“ბარსელონას” ინტერესთა სფეროში დონეცკის “შახტარის” ბრაზილიელი ლეგიონერი, დუგლას კოსტა მოხვდა. კატალონიელები უკრაინული გუნდის ფეხბურთელს მარკო როისის ალტერნატივად განიხილავენ.
პოდოლსკი არსენალში დაბრუნდება
მილანის “ინტერი” “არსენალიდან” იჯარის წესით გადაბირებული ლუკაშ პოდოლსკის შენარჩუნებას ფინანსური საკითხების გამო ვერ ახერხებენ. სეზონის დასრულების შემდეგ გერმანელი ფორვარდი “არსენალს” დაუბრუნდება, სადაც საკუთარ მომავალს გადაწყვეტს.
