დღის 5 სატრანსფერო ჭორი
Fanebi.com დღის გამორჩეულ სატრანსფერო ამბებს წარმოგიდგენთ.
ვიდიჩი მანჩესტერში ბრუნება?
“ინტერის” მცველი ნემანია ვიდიჩი, შესაძლოა, “მანჩესტერ იუნაიტედს” დაუბრუნდეს. ბრიტანული პრესის ცნობით, ტრანსფერის განხორციელებით ლუი ვან გაალია დაინტერესებული.
გასპარი ბარსელონას უახლოვდება
“ვილიარელის” მცველი მარიო გასპარი “ბარსელონას” უახლოვდება. კატალონიაში გასპარს დანი ალვეშის შემცვლელად მოიაზრებენ.
ბაიერნი კასტროთი დაინტერესდა
“ლევერკუზენის” 27 წლის ნახევარმცველი გონსალო კასტრო “ბაიერნის” ინტერესთა სფეროში მოხვდა. მიუნხენური კლუბი 15 მილიონ ევროდ შეფასებული ფეხბურთელის გადაბირებას მიმდინარე სეზონის დასრულების შემდეგ ეცდება.
იოვეტიჩი ინტერში გადადის
“მანჩესტერ სიტის” მონტენეგროელი ფორვარდი სტევან იოვეტიჩი “ინტერში” გადავა. მანჩესტერელებს მოთამაშეში 17 მილიონის მიღება სურს, თუმცა მილანელები ფასის დაგდებას იმედოვნებენ.
რონალდუ რეალს ტოვებს
“რეალის” შემტევი კრიშტიანუ რონალდუ მადრიდულ კლუბში არსებული ვითარებით უკმაყოფილოა და შესაძლოა კლუბიდან წასვლაზეც დაფიქრდეს. ესპანური მედიის ცნობით გამორიცხული არ არის, რომ პორტუგალიელმა მადრიდი სეზონის დასრულების შემდეგ დატოვოს.
