კრიშტიანუ რონალდუ პლანეტის ყველაზე პოპულარული ადამიანია

მადრიდის “რეალისა” და პორტუგალიის ნაკრების ლიდერი კრიშტიანუ რონალდუ პლანეტის ყველაზე პოპულარული ადამიანია. პორტუგალიელმა ფეხბურთელმა სოციალურ ქსელ “ფეისბუქში” უკან ჩამოიტოვა კოლუმბიელი მომღერალი, ჟერარ პიკეს მეუღლე შაკირა, რომელსაც ამ დრომდე ყველაზე მეტი მოწონება ჰქონდა. რონალდუს ფანთა რაოდენობამ 107 მილიონს გადააჭარბა და ახლა პორტუგალიელს ათი ათასით მეტი მოწონება აქვს, ვიდრე შაკირას.

“ფეისბუქში” ყველაზე პოპულარული სპოტსმენების ოთხეული ასე გამოიყურება:

• 1. კრიშტიანუ რონალდუ — 107 მილიონი მოწონება;
• 2. ლიონელ მესი — 78.2 მილიონი მოწონება;
• 3. დევიდ ბექჰემი — 52.1 მილიონი მოწონება;
• 4. ნეიმარი — 51.9 მილიონი მოწონება;
• 5. რიკარდო კაკა — 32.7 მილიონი მოწონება.

ეს ყველაფერი არ არის…

რონალდუ სპორტსმენთა შორის “ტვიტერშიც” ლიდერია. მას 34 მილიონი მიმდევარი ჰყავს. სპორტსმენთა შორის მეორე ადგილი კაკას უკავია, რომელსაც 22 მიმდევარი ჰყავს.

აღსანიშნავია, რომ “ფეისბუქზე” მოწონებების მიხედვით ათ საუკეთესო სპორტსმენს შორის სპორტის არასაფეხბურთო სახეობიდან მხოლოდ ორი წარმომადგენელია, ორივე კალათბურთელი: მაიკლ ჯორდანი და კობი ბრაიანტი. NBA-ს კიდევ ერთი ვარსკვლავი ლებრონ ჯეიმსი ათეულში საერთოდ ვერ მოხვდა.

“ფეისბუქში” ყველაზე პოპულარული სპოტსმენების ათეული ასე გამოიყურება: (მონაცემები მოცემულია დამრგვალებით)

• 1. კრიშტიანუ რონალდუ — 107 მილიონი მოწონება;
• 2. ლიონელ მესი — 78 მილიონი მოწონება;
• 3. დევიდ ბექჰემი — 52 მილიონი მოწონება;
• 4. ნეიმარი — 52 მილიონი მოწონება;
• 5. რიკარდო კაკა — 33 მილიონი მოწონება;
• 6. რონალდინიო — 31 მილიონი მოწონება;
• 7. მესუთ იოზილი — 28 მილიონი მოწონება;
• 8. მაიკლ ჯორდანი — 28 მილიონი მოწონება;
• 9. ანდრეს ინიესტა — 24 მილიონი მოწონება;
• 10. კობი ბრაიანტი — 21 მილიონი მოწონება.