იტალია: 27-ე ტურის მიმოხილვა

თარიღი: მარტი 17, 2015

Fanebi.com წარმოგიდგენთ იტალიური სერია A-ს 27-ე ტურის მიმოხილვას.

პალერმო – იუვენტუსი

იტალიური სერიას 27-ე ტური პალერმოში ჩატარებული მატჩით გაიხსნა, სადაც ადგილობრივმა კლუბმა “იუვენტუსს” უმაპსნიძლა.

მასპინძლებს მიმდინარე სეზონში მხოლოდ ერთი საშინაო მარცხი ჰქონდათ განცდილი და გათამაშების ლიდერთან შეხვედრაშიც მეტოქეს მედგარი წინააღმდეგობა გაუწიეს, მაგრამ მარცხს მაინც ვერ გადაურჩნენ.

შეხვედრის ბედი ერთადერთმა გოლმა გადაწყვიტა, რომელიც “იუვემ” 70-ე წუთზე, ალვარო მორატას ძალისხმევით გაიტანა. გოლამდე 10 წუთით ადრე შეცვლაზე შესელ ესპანელ ფორვარდს ასისტენტობა მარკიზიომ გაუწია.

ფიორენტინა – მილანი

ფლორენციაში ადგილობრივმა “ფიორენტინამ” “მილანს” უმასპინძლა და როსონერის კიდევ ერთი მარცხი აგემა.

არადა, ინძაგის შეგირდებისთვის ყველაფერი კარგად იწყებოდა. “მილანმა” უგოლო პირველი ტაიმის შემდეგ მეორე ნახევრის დებიუტში ანგარიშის გახსნა შეძლო. 56-ე წუთზე ზუსტი დარტყმის ავტორი დესტრო გახდა. სტუმრები უპირატესობის შენარჩუნებას დიდხანს ახერხებდნენ, თუმცა 83-ე წუთზე “ფიორენტინამ” როდრიგესის გოლით გაათანაბრა, 6 წუთში კი ხოაკინმა გამარჯვების გოლი გაიტანა და საკუთარ გუნდს მნიშვნელოვანი 3 ქულა მოუტანა.

რომა – სამპდორია

ტურის დასკვნით შეხვედრას რომმა უმასპინძლა, სადაც “სტადიო ოლიმპიკოზე” “რომას” ფრეების სერია შეწყდა. რუდი გარსიას გუნდისთვის სამწუხაროდ სერია არა გამარჯვების, არამედ მარცხის გამო დასრულდა.

რომში სტუმრად ჩასულმა “სამპდორიამ” პირველ ტაიმში კარი მშრალად შეინახა, შესვენების შემდეგ კი შეტევაზე გადავიდა და მე-60 წუთზე დაწინაურებაც მოახერხა. გენუელები წინ დე სილვესტრიმ გაიყვანა. 78-ე წუთზე სტუმართა უპირატესობა ორბურთიანი მურიელმა გახადა. ზუსტად 3 წუთში კი სეიდუ კეიტამ მოედანი წითელი ბარათის გამო დატოვა და “რომას” შანსებსაც ამ შეხვედრაში წერტილი აქ დაესვა. ისევე როგორც გარსიას გუნდის საჩემპიონო შანსებს – 27 ტურის შემდეგ “მგელბი” “ტურინელებს” უკვე 14 ქულით ჩამორჩებიან.

ტურის ყველა მატჩი

14.03	21:00	პალერმო	0:1	იუვენტუსი	დაწვრილებით
14.03	23:45	კალიარი	1:1	ემპოლი	დაწვრილებით
15.03	18:00	ჯენოა	0:2	კიევო	დაწვრილებით
15.03	18:00	სასუოლო	4:1	პარმა	დაწვრილებით
15.03	18:00	ატალანტა	0:0	უდინეზე	დაწვრილებით
15.03	21:00	ვერონა	2:0	ნაპოლი	დაწვრილებით
15.03	23:45	ინტერი	1:1	ჩეზენა	დაწვრილებით
16.03	22:00	ტორინო	0:2	ლაციო	დაწვრილებით
16.03	22:00	ფიორენტინა	2:1	მილანი	დაწვრილებით
16.03	23:55	რომა	0:2	სამპდორია	დაწვრილებით