ვენგერი: “შემოქმედებითად უნდა ვიმოქმედოთ”
“მონაკოსთან” მატჩის წინ, ლონდონის “არსენალის” მთავარმა მწვრთნელმა მოახლოებულ დაპირისპირებაზე ისაუბრა.
“მონაკოს აქვს უპირატესობა, მაგრამ ჩვენ გვაქვს გამოცდილება, რწმენა და სურვილი. ყველაფერი უნდა ვქნათ შემდეგ ეტაპზე გასასვლელად. ფეხბურთი არაპროგნოზირებადი სპორტია, ამიტომ წინასწარ დასკვნების გაკეთება არ ღირს”.
“დარწმუნებული ვარ, რომ გუნდს შემდეგ ეტაპზე გასვლა შეუძლია. უნდა ვითამაშოთ ის თამაში, რომელიც “არსენალს” შეეფერება. რა თქმა უნდა, გვჭირდება სწრაფი გოლი, რომელიც შეხვედრის რიტმს რადიკალურად შეცვლის. მეტოქე შეცდომებს აუცილებლად დაუშვებს, რომლის გამოყენებასაც ვეცდებით”.
“ყველაფრის 100%-ით ზუსტად გაკეთება გვსურს. გულშემატკივარს გვინდა საუკეთესო მატჩი შევთავაზოთ. “მონაკო” თავს ძალიან კარგად იცავს, ამიტომ მათი დაცვის ხაზის დასალაშქრად შემოქმედებითად უნდა ვიმოქმედოთ,”-განაცხადა ვენგერმა.
შეგახსენებთ, რომ ლონდონში გამართულ პირველ შეხვედრაში, “არსენალი” 1:3 დამარცხდა.
