საქართველო – გერმანია: ცხადაძის პირველი გამოცდა
მალტასთან მოგებული სადებიუტო მატჩის შემდეგ კახა ცხადაძე ეროვნული ნაკრების მთავარი მწვრთნელის რანგში პირველ, თანაც ძალიან რთულ გამოცდას ხვალ ჩააბარებს. „დინამო არენაზე“ ჯვაროსნები მსოფლიოს მოქმედ ჩემპიონს, გერმანიის ნაკრებს დაუპირისპირდებიან.
მეტოქის სიძლიერეზე ყველაფერი კარგად არის ცნობილი. გასულ ზაფხულს ჩატარებულ მუნდიალზე ბუნდესნაკრებმა მთელს საფეხბურთო სამყაროს დაუმტკიცა, რომ ტიტულს იმსახურებდა და მისი მფლობელიც განსაკუთრებული პრობლემების გარეშე გახდა.
ბუნებრივია, რომ შესანიშნავად ჩატარებული მუნდიალის შემდეგ გუნდმა მოუკლო, რაც ლიდერების ოპტიმალური ფორმისგან შორს ყოფნასთან ერთად გარკვეული ცვლილებების ბრალიცაა. ნებისმიერი გუნდის მიზანი მუდმივი განვითარება და სიახლეების დანერგვაა და იოახიმ ლიოვის ხედვაც ამ შემთხვევაში გამონაკლისი არ არის.
ევროპის ჩემპიონატის საკვალიფიკაციო ეტპაის ქვეჯგუფში ჩატარებული 4 მატჩის შემდეგ გერმანელებმა მხოლოდ 2 თამაში მოიგეს. ერთი უიმედო აუტსაიდერ გიბრალტართან, ხოლო მეორე შოტლანდიასთან, რომელთანაც ჩვენმა გუნდმა გლაზგოში მინიმალური ანგარიშით წააგო. გერმანელებს დამაჯერებლობა რამდენიმე დღის წინ ავსტრალიელებთან ჩატარებულ შეხვედრაშიც აკლდათ, რომელიც ბუნდესნაკრებმა ფრედ დაასრულა. ბუნებრივია, რომ თანამედროვე ფეხბურთში მსგავსი შედარებებით მომავალი მატჩის ანგარიშზე სერიოზულად მსჯელობა სისულელეა, მაგრამ ის ნათელია, რომ დღევანდელ გემრანიასთან და ნებისმიერ გრანდთან ტოლსწორად თუ არა, ღირსეულად თამაში მაინც შესაძლებელია, რაც ქეცბაიას ფორმაციის ნაკრებმა არაერთხელ დაამტკიცა, თუმცა ეს თამაშის სანახაობრივი ნაწილის ხარჯზე მოახერხა.
ცხადაძის ხელწერა ქეცბაიას ფეხბურთისგან რომ განსხვავებულია მალტასთან შეხვედრაშიც გამოჩნდა, სადაც ჩვენი გუნდი შეტევაში უფრო თამამად მიდიოდა. ისიც ფაქტია, რომ სამი დღის წინ ჩატარებულ შეხედრაში ჯვაროსნებისგან გულშემატკირები გაცილებით მეტს ითხოვდნენ, თუმცა ისიც გასაგებია, რომ სულ რაღაც 2-3 დღეში ფეხბურთელებისთვის სრულიად ახალი სათამაშო მოდელის ათვისება რთული იქნებოდა.
მალტასთან შეხვედრაში ცხადაძემ ორი ტაქტიკური მონახაზი გამოიყენა და პირველი ტაიმის შემდეგ გუნდი 3-5-2-დან 4-2-3-1-ზე გადააწყო, რამაც საბოლოოდ შედეგი გამოიღო. რთული სათქმელია რა იქინება გერმანიასთან. დაზუსტებით ეს მხოლოდ ცხადაძემ იცის, თუმცა ჩვენ მაინც 3-5-2-1 ვვარაუდობთ, რომელიც რეალურად მეტოქის შეტევების დროს 5 მცველით თამაშს ითვალისწინებს. მაგრამ, ამავე სქემის მთავარი მინუსი რა თქმა უნდა ფლანგის მოთამაშეების გამძლეობას ეხება, რაც ქართული ფეხბურთისთვის ყოველთვის სერიოზული პრობლემა იყო.
დასასრულს მცირე ისტორიულ ექსკურსს შემოგთავაზებთ და საქართველოსა და გერმანიის ნაკრებების ურთიერთშეხვედრებს გავიხსენებთ, რაც სულ სამ მატჩს მოიცავს. პირველი მატჩი 20 წლის წინ, 1995 წლის 29 მარტს „დინამოზე“ შედგა და იურგენ კლინსმანის დუბლით გერმანელების გამარჯვებით, 2:0 დასრულდა. მეორე შეხვედრა 95 წლის სექტემბერში ნიურნბერგში შედგდა და მასპინძელთა გამაჯვებით, 4:1 დასრულდა. უკანასკნელად საქართველო და გერმანია ერმანეთს 2006 წელს, როსტოკში შეხვდნენ. ამხანაგური დაპირისპირება კვლავ გემრანელებმა მოიგეს.
საქართველო და გერმანია ხვალ, „დინამო არენას“ მოედანზე თბილისის დროით 20:00 საათზე გავლენ.
იოაჰიმ ლიოვის და ტონი კროოსის პრესკონფერენცია
კახა ცხადაძის და ჯაბა კანკავას პრესკონფერეცია
