მატა: “ჩემპიონთა ლიგას კიდევ უფრო მივუახლოვდით”
თარიღი: აპრილი 13, 2015
ინგლისის პრემიერლიგის 32-ე ტურში “მანჩესტერ იუნაიტედმა” “მანჩესტერ სიტი” ანგარიშით 4:2 დაამარცხა, აქედან ერთი გოლი ხუან მატამ გაიტანა, რომელმაც მოგვიანებით მატჩიც შეაფასა.
“ჩემპიონთა ლიგისკენ მნიშვნელოვანი ნაბიჯი გადავდგით. ეს გამარჯვება თავდაჯერებასა და საკუთარი ძალების რწმენას შეგვმატებს. ისიც უნდა გვახსოვდეს, რომ ჩემპიონთა ლიგის საგზურისთვის “არსენალი”, “მანჩესტერ სიტი” და “ლივერპულიც” იბრძვიან.
პირველი 10-15 წუთი “სიტიმ” დიდებულად ჩაატარა, თუმცა შემდეგ ხასიათი გამოვავლინეთ და “ქამბექი” გავაკეთეთ.
მნიშვნელოვანი გამარჯვებაა, გახარებულები ვართ. სტადიონზე გასაოცარი ატმოსფერო იყო. ასეთ მატჩებს არ ივიწყებენ”, – აღნიშნა მატამ.
პრემიერლიგის მიმდინარე გათამაშებაში ხუან მატამ 26 მატჩი ჩაატარა, რვა გოლი გაიტანა და ოთხი საგოლე გადაცემა გააკეთა.
მსგავსი სიახლეები