დღის 5 სატრანსფერო ჭორი
Fanebi.com დღის გამორჩეულ სატრანსფერო ამბებს წარმოგიდგენთ.
რომა ლუის ადრიანოს დაიმატებს
“რომას” სპორტულ დირექტორს, ვალტერ საბატინის შეტევის გასაძლიერებლად ოპტიმალურ ვარიანტად ლუის ადრიანოს ტრანსფერი მიაჩნია. თუმცა, “შახტარის” შემტევით მხოლოდ რომაელები არ ინტერესდებიან, რაც ტრანსფერს გაართულებს.
ჩელსის პედრო სურს
“ჩელსის” ინტერესთა სფეროში “ბარსელონას” შემტევი, პედრო მოხვდა. გავრცელებული ინფორმაციით მის მიმართ ინტერსს მილანის “ინტერიც” იჩენს.
ლივერპული ილარამენდის შეძენას ცდილობს
“ლივერპულმა” “რეალთან” მოლაპარაკებები ასიერ ილარამენდის ტრანსფერის თაობაზე დაიწყო. მადრიდელები ნახევარმცველის სანაცვლოდ 23 მილიონ გირვანქას ითხოვენ.
გრიზმანი მანჩესტერში?
ბრიტანული პრესის ცნობით “მანჩესტერ იუნაიტედს” მადრიდის “ატლეტიკოდან” ანტუან გრიზმანის გადაბირება სურს. შეგახსენებთ, რომ მიმდინარე სეზონის დასაწყისში მადრიდელებმა ფრანგი “რეალ სოსიედადიდან” 30 მილიონად შეიძინეს.
ინტერმა, შესაძლოა, შაქირი მიუნხენში დააბრუნოს
“ინტერმა” “ბაიერნიდან” იჯარიტ დამატებული ჯერდან შაქირი, შესაძლოა, მიუნხენურ კლუბში დააბრუნოს. შვეიცარიის ნაკრების შემტევი ბოლო დროს მილანურ კლუბში ვეღარ ყოჩაღობს. “ინტერს” მისი გამოსყიდვის სურვილის შემთხვევაში 16 მილიონი ევრო ექნება გადასახდელი.
