ანზორ კავაზაშვილი – გამოჩენილი მეკარე

რამდენიმე წლის წინ დაიწერებოდა, როგორც საბჭოთა ფეხბურთის გამოჩენილი მეკარის შესახებ. ახლა კი ვწერთ – როგორც ქართული და, პირველ რიგში, რუსული ფეხბურთის მეკარის შესახებ.

რუსულისა, რამდენადაც სსრკ ჩემპიონატებში გამართული 274 შეხვედრიდან 269 მან ჩაატარა რუსეთის გუნდებში: ლენინგრადის “ზენიტში”(30), მოსკოვის “ტორპედოსა”(165) და “სპარტაკში”(74).

სწორედ აქ მოიპოვა მან ფეხბურთის ავტორიტეტული სპეციალისტებისა და გულშემატკივრების აღიარება.

ყოველივე კი დაიწყო ბათუმში, სადაც იგი დაიბადა და თბილისში, სადაც თამაშობდა ადგილობრივ ჭაბუკურ გუნდში(1956), ხოლო შემდეგ “დინამოს” ძირითად შემადგენლობაში(1957-1959). ანზორმა იმთავითვე მიიპყრო ყურადღება თავისი
“რეაქტიულობით” და მაღალი კლასის მეკარის სხვა თვისებებით. მას ბრწყინვალე მომავალს უწინასწარმეტყველებდნენ, რაც მთლიანად გამართლდა უკვე იმ დროს, როცა იგი რუსულ კლუბებში თამაშობდა.

საქმე ის იყო, რომ თბილისის “დინამოში” მისი მისვლის დროისთვის ამოდიოდა კიდევ ერთი გამოჩენილი მეკარის სერგო კოტრიკაძის ვარსკვლავი(იგი ოთხი წლით უფროსი იყო ანზორზე) და ახალბედასა უპირატესად, სათადარიგოთა სკამზე უხდებოდა ჯდომა, ამიტომ იყო, რომ ლენინგრადიდან მიწვევისთანავე იგი ჩაირიცხა “ზენიტში”, სადაც გამოდიოდა წელიწადზე ცოტა მეტი ხნის განმავლობაში.

ნიჭის ნამდვილი გაფურჩქვნა და, შესაბამისად, აღიარება ანზორმა მოსკოვის “ტორპედოსა”(1961-1968) და “სპარტაკის” შემადგენლობაში(1969-1971) გამოსვლების პერიოდში მოიპოვა.

კავაზაშვილი სსრკ ორგზის ჩემპიონია(1965, 1969) და ასევე ორგზის თასის მფლობელი(1968, 1971). იგი ქვეყნის საუკეთესი მეკარედ იყო აღიარებული(1965, 1967), შედიოდა ლევ იაშინის სიმბოლურ კლუბში(163 მატჩი გოლის გარეშე) და სსრკ ნაკრებში(1965-1970), სადაც 30 შეხვედრა ჩაატარა(მათ შორის 1966 და 1970 წლების მსოფლიო ჩემპიონატებზე).

ფეხბურთელის კარიერის უკანასკნელი შეხვედრები კი ანზორ კავაზაშვილმა ქუთაისის “ტორპედოში” ჩაატარა(1972).

დაიწყო საქართველოში და დაამთავრა საქართველოში!