“არსენალი” და “ჩელსი” ერთმანეთს უგოლოდ დაშორდნენ (ვიდეო)

ინგლისის პრემიერლიგის 34-ე ტურის ცენტრალური მატჩი “ემირეითსზე” გაიმართა, სადაც ლონდონის “არსენალმა” თანაქალაქელი “ჩელსი” მიიღო. შეხვედრა უგოლოდ დასრულდა, თუმცა მოსაწყენი არ ყოფილა, გამარჯვებისთვის ორივე გუნდმა გაიბრძოლა.

პირველ ტაიმში გუნდები თანაბრად მოქმედებდნენ: “არსენალი” მოკლე გადაცემებით ცდილობდა ფონს გასვლას, “ჩელსი” კი კონტრშეტევებზე გადადიოდა. მეორე ნახევარში მოედნის სხვადასხვა მონაკვეთში მრვალად ვიხილეთ ორთაბრძოლა, თუმცა გოლის ხილვის შესაძლებლობა არ მოგვეცა.

“ჩელსი” 77 ქულით სატურნირო ცხრილს ლიდერბს. “არსენალს” 67 ქულით მესამე ადგილი უკავია და ერთი მატჩით ნაკრები აქვს ჩატარებული.

ინგლისის პრემიერლიგა
34-ე ტური
“არსენალი” — “ჩელსი” 0:0 (0:0)

გაფრთხილებები: კოკლენი 34′, რემსი 89′, კასორლა 90+3′, ნაჩო მონრეალი 90+5′ — ფაბრეგასი 23′, ვილიანი 68′, ივანოვიჩი 72′.