11 დიდებული ფეხბურთელი, რომელსაც ჩემპიონთა ლიგა არ მოუგია
წარმოგიდგენთ იმ 11 ცნობილ ფეხბურთელს, რომელსაც ჩემპიონთა ლიგა დღემდე არ მოუგია.
1. ჯანლუიჯი ბუფონი „იუვენტუსში“ 2001 წლიდანაა, მისმა გუნდმა კი ჩემპიონთა ლიგა ბოლოს 1996 წელს მოიგო
2. „იუვენტუსის“ კიდევ ერთი მოთამაშე ლილიამ ტურამი უნდა გამოვარჩიოთ, რომელსაც ბედი ნამდვილად არ სწყალობს. 2006 წელს, „ბარსელონას“ ჩემპიონთა ლიგაზე ტრიუმფის შემდეგ ის სწორედ კატალონიური კლუბის რიგებში გადაბარგდა, თუმცა „ბლაუგრანასი“ იმ სეზონის წინ დატოვა, რომელშიც მან ევროპის ყველაზე პრესტიჟული საკლუბო ტურნირი შემდგომ მოიგო.
3. ლორან ბლანს ოთხი იმ კლუბის შემადგენლობაში უთამაშია, რომელსაც ევროპის ყველაზე პრესტიჟული საფეხბურთო ტურნირი სხვადასხვა დროს აქვს მიღებული (ფრანგი „ბარსელონას“, „მარსელის“, „ინტერისა“ და „მანჩესტერ იუნაიტედის“ შემადგენლობაში გამოდიოდა).
4. ფაბიო კანავაროს მსოფლიო ჩემპიონატი და „ოქროს ბურთი“ აქვს მოგებული, მაგრამ ჩემპიონთა ლიგაზე წარმატების მიღწევა იტალიელმა ვერ მოასწრო
5. ჯანლუკა ძამბროტას „იუვენტუსში“ თამაშის პერიოდში ჩემპიონთა ლიგას „მილანი“ ან „ბარსელონა“ იგებდნენ, „ბარსელონაში“ თამაშის პერიოდში წარმატებას „მილანი“ აღწევდა, „მილანში“ გატარებულ დროს კი ევროპის საუკეთესო გუნდი „ბარსა“ ხდებოდა
6. ვინ იცის, მსაჯს სწორი გადაწყვეტილება რომ მიეღო, შესაძლოა, მიკაელ ბალაკის გახსენება ამ სტატიაში არც კი მოგვიწევდა
7. პატრიკ ვიეირამ კარიერის დიდი ნაწილი „არსენალში“ გადაატარა. ჩემპიონთ ალიგის მოგების ერთადერთი შანსი მან 2010 წელს გაუშვა, როდესაც „ინტერიდან“ „მანჩესტერ სიტიში“ გადავიდა. სწორედ ამ ტრანსფერის შემდეგ რამდენიმე თვეში ჯოზე მოურინიოს გუნდმა ნანატრი ტიტული მოიგო.
8. პაველ ნედვედს „ლაციოსა“ და „იუვენტუსში“ უთამაშია. რომაელებს ჩემპიონთა ლიგა არ მოუგიათ, „იუვეში“ კი ჩეხი მისი ტრიუმფის შემდეგ მხოლოდ ხუთ წელიწადში მოხვდა
9. დენის ბერგკამპმა სამი დიდი კლუბის რიგებში ითამაშა, მაგრამ „აიაქსმა“ ჩემპიონთა თასი მაშინ მოიგო, როცა ის „ინტერში“ გამოდიოდა, მილანელებს მოგებამდე კი 15 წელი აკლდათ. „არსენალზე“ საუბარი საერთოდ ზედმეტია
10. არაერთ სუპერკლუბში თამაშის მიუხედავად, ჩემპიონთა ლიგის მოგება ვერც რონალდომ მოასწრო
11. ზლატან იბრაჰიმოვიჩი იმდენად ძლიერია, რომ ამის დასამტკიცებლად მას არც ჩემპიონთა ლიგის მოგება სჭირდება
