“დილა” ტიტულს მიუახლოვდა

რამდენიმე წუთის წინ დასრულდა უმაღლესი ლიგის 27-ე ტურის მატჩები, რომლის შედეგად გორის “დილამ” ლიდერობა განიმტკიცა და ჩემპიონატის დასრულებამდე 3 ტურით ადრე მეორე ადგილთან უპირატესობა 5 ქულამდე გაზარდა. გორელებმა საკუთარ მოედანზე ფოთის “კოლხეთი” მიიღეს და მეტოქეს მინიმალური ანგარიშით, 1:0 სძლიეს. მეორე ტაიმის დებიუტში გატანილი გამარჯვების გოლის ავტორი ირაკლი მოდებაძე გახდა.

გატანილი გოლების გარეშე დასრულდა ტურის ცენტრალური შეხვედრა რომელშიც ერთმანეთის წინააღმდეგ “დილას” მთავარი კონკურენტები, ბათუმის და თბილისის “დინამოები” წარსდგნენ. უმაყურებლო “ჩელე არენაზე” გატანის და სამი ქულის მოპოვების შანსი ორივე გუნდს ჰქონდა, თუმცა საბოლოოდ ყველაფერი ლოგიკური ფრით დასრულდა.

დინამო ბათუმი 0-0 დინამო თბილისი

დილა 1-0 კოლხეთი

გოლი: მოდებაძე 46′ 

გურია 3-1 სამტრედია

გოლები: ისიანი 19′ (1:0); ზოზულია 42′ (2:0); ზოზულია 50′ (2:1 ს.კ.); შეველი 90′ (3:1);

ზუგდიდი 1-1 ჩიხურა

გოლები: მეგრელიშვილი 35′ (1:0); ჩიკვაიძე 38′ (1:1);

ტორპედო 1-0 სიონი

გოლი: კვარაცხელია 89′

ცხინვალი 3-0 ზესტაფონი – ტექნიკური შედეგი

შეგახსენებთ, რომ ტური გუშინ გამართული ორი შეხვედრით დაიწყო, რომლებშიც “მერანმა” “მეტალუგს სძლია, ხოლო “შუქურამ” – “ვიტ ჯორჯიას”.