იტალია: 35-ე ტურის მიმოხილვა
Fanebi.com წარმოგიდგენთ იტალიური სერია ა-ს 35-ე ტურის მიმოხილვას.
იუვენტუსი – კალიარი
ჩემპიონობის მოპოვების შემდეგ “იუვენტუსმა” პირველივე შეხვედრაში დაკარგა ქულები. მოსალოდენლი იყო, რომ “რეალთან” მატჩებს შორის “კალიარისთან” შეხვედრაში ტურინელები ძალებს დაზოგავდნენ.
ხსენებულ მატჩში ანგარიში პირველი ტაიმის ბოლო წუთზე მოედანზე დაბრუნებულმა პოლ პოგბამ გახსნა. საბოლოო შედეგი კი მატჩის დამთავრებამდე 5 წუთით ადრე როზეტინიმ დააფიქსირა, თუმცა “კალიარის” სერია ა-ში დასარჩენად მაინც მინიმალური შანსები რჩება.
მილანი – რომა
ტურის ერთ-ერთ ცენტრალურ შეხვედრაში “მილანმა” “რომას” უმასპინძლა და მინიმალური სხვაობით, 2:1 სძლია.
ანგარიში პირველი ტაიმის ბოლოს კეისუკე ჰონდას პასით ვან გინკელმა გახსნა და ტაიმიც მილანელთა გამარჯვებით დასრულდა. 59-ე წუთზე მასპინძლებმა დესტროს გოლით უპირატესობა ორამდე გაზარდეს. ამ შემთხვევაშიც ასისტენტობა ჰონდამ გასწია. ანგარიშში სხვაობა 73-ე წუთზე წუთზე, ტოტის მიერ შესრულებული პენალტით შემცირდა და დარჩენილ წუთებშიც რომაელები ქულის გადარჩენას აქტიურად ცდილობდნენ, თუმცა უშედეგოდ და “მილანის” 5 მატჩიანი წარუამტებელი სერია ძლიერ მეტქოესთან მოპოვებული გამარჯვებით შეწყდა.
ლაციო – ინტერი
ტურის მეორე რომაულ-მილანური დაპირისპირებაც მილანელთა გამარჯვებით დასრულდა, რაც ამ შემთხვევაშიც არ იყო მოსალოდნელი შედეგი.
ანგარიში მასპინძლებმა მე-8 წუთზე, კანდრევას ძალისხმევით გახსნეს. 24-ე წუთზე კი “ლაციო” 10 კაცით დარჩა, როდესაც წითელი ბარათი მაურისიომ მიიღო. ამ ეპიზოდიდან დანიშნული ჯარიმა ერნანესმა გოლად აქცია და ტაიმიც ფრედ დასრულდა. მეორე ნახევარში მასპინძებმა კიდევ ერთი გაძევება მიიღეს. ამჯერად თავი რომაელთა მეკარემ, მარკეტიმ “გამოიჩინა”. მის ნაცვლად კარში ჩამდგარმა ბერიშამ იკარდის მიერ დარტყმული პენალტი მოიგერია, თუმცა 84-ე წუთზე მაინც გაუშვა. “ლაციოს” კარში მეორე გოლიც ყოფილმა რომაელმა, ერნანესმა გაიტანა.
ამრიგად “ლაციომ” მეორეზე გადასვლის შანსი ვერ გამოიყენა და 63 ქულით მესამე პოზიციაზე დარჩა, “ინტერი” კი 52 ქულით მეშვიდეა.
ტურის ყველა მატჩი
| 09.05 | 20:00 | იუვენტუსი |  |
1:1 |  |
კალიარი | დაწვრილებით | |
| 09.05 | 22:45 | მილანი |  |
2:1 |  |
რომა | ვიდეო | |
| 10.05 | 14:30 | კიევო |  |
2:2 |  |
ვერონა | დაწვრილებით | |
| 10.05 | 17:00 | ჩეზენა |  |
2:3 |  |
სასუოლო | დაწვრილებით | |
| 10.05 | 17:00 | უდინეზე |  |
1:4 |  |
სამპდორია | დაწვრილებით | |
| 10.05 | 17:00 | პალერმო |  |
2:3 |  |
ატალანტა | დაწვრილებით | |
| 10.05 | 20:00 | ემპოლი |  |
2:3 |  |
ფიორენტინა | ვიდეო | |
| 10.05 | 20:00 | პარმა |  |
2:2 |  |
ნაპოლი | ვიდეო | |
| 10.05 | 22:45 | ლაციო |  |
1:2 |  |
ინტერი | ვიდეო | |
| 11.05 | 22:45 | ჯენოა |  |
-:- |  |
ტორინო | დაწვრილებით |
