ბუნდესლიგა: 33-ე ტურის მიმოხილვა

Fanebi.com წარმოგიდგენთ გერმანული ბუნდესლიგის 33-ე ტურის მიმოხილვას. 

შალკე – პადერბორნი

სატურნირო ცხრილის განსხვავებულ ადგილებზე მყოფი გუნდების დაპირისპირება ძალიან დაძაბული გამოდგა. “შალკეს” და “პადერბორნსაც” ქულები განსხვავებული ამოცანების მისაღწევად, მაგრამ ორივეს ძალიან სჭირდებოდათ და საბოლოოდ შეხვედრის ბედი ერთადერთმა გოლმა გადაწყვიტა.

“შალკემ” გამარჯვება 88-ე წუთზე მოიპოვა, როდესაც ჰიუნემეიერმა ბურთი საკუთარ კარში ჩაჭრა და გელზენკირენულ კლუბს მომდევნო სეზონში ევროპის ლიგაზე თამაში გაუნაღდა. საკუთარი გუნდი კი დიდი ალბათობით მეორე ბუნდესლიგაში დააქვეითა. თუმცა, “პადერბორნს” უკანაკსკნელი შანსი ბოლო ტურში ექნება, როდესაც საკუთარ მოედანზე მთავარ კონკურენტს, “შტუტგარტს” მიიღებს.

ვოლფსბურგი – დორტმუნდი

მნიშვნელოვანი შეხვედრა ვერ მოიგო “დორტმუნდმა”, რომელიც გასულ ტურში “ვოლფსბურგთან” დამარცხდა და ევროზონაში მოხვედრის შანსი გაუშვა ხელიდან. საქმე იმაში, რომ თავისი შეხვედრა დორტმუნდელთა მთავარმა კონკურენტმა, “აუგსბურგმაც” დათმო.

ვოლფსბურგულ მატჩში ანგარიში მასპინძლებმა პირველივე წუთზე, კალიგიურის სწრაფი გოლით გახსნეს, მაგრამ სტუმრებს გასათანაბრებლად მხოლოდ 10 წუთი დასჭირდათ. ზუსტად შესრულებული პენალტით პირველი ტაიმის ანგარიში ობამეიანგმა დააფიქსირა. მატჩის საბოლოო შედეგი კი შესვენებიდან ზუსტად 4 წუთში დაფიქსირდა და გადამწყვეტი გოლის ავტორი ნალდო გახდა.

შტუტგარტი – ჰამბურგი

ტურის მთავარი შეხვედრა კი მასპინძელთა გამარჯვებით დასრულდა. “შტუტგარტმა” მთავარ კონკურენტთან 6 ქულიანი მატჩი დაძაბულ ბრძოლაში, მინიმალური სხვაობით მოიგო.

ლაბადიას მოსვლის შემდეგ კარგად ათამაშებულმა “ჰამბურგმა” გასული ტურის მატჩიც აქტიურად დაიწყო და დაწინაურება საკმაოდ სწრაფად, მე-12 წუთზე კაჩარის გოლით მოახერხა. თუმცა, შესვენებამდე 10 წუთით ადრე წინ უკვე მასპინძლები იყვნენ, რომელბმაც 27-ზე გენტნერის გოლით გაათანაბრეს, ხოლო 35-ე წუთზე ჰარნიკის ზუსტი დარტყმით დაწინაურდნენ და მოპოვებული უპირატესობა მატჩის ბოლომდეც შეინარჩნეს.

ამრიგად, “შტუტგარტმა” ბოლო პოზიციას თავი დააღწია და ბოლო ტურის წინ პლეიაუტის ზონაში იმყოფება, ხოლო “ჰამბურგი” მე-17 პოზიციაზე ჩამოქვეითდა.

ტურის ყველა მატჩი

16.05	17:30	შალკე 04		1:0		პადერბორნი		დაწვრილებით
16.05	17:30	ლევერკუზენი		2:0		ჰოფენჰაიმი		დაწვრილებით
16.05	17:30	ვოლფსბურგი		2:1		დორტმუნდი		დაწვრილებით
16.05	17:30	მაინცი		2:0		კიოლნი		დაწვრილებით
16.05	17:30	აუგსბურგი		1:2		ჰანოვერ 96		დაწვრილებით
16.05	17:30	ჰერტა		0:0		აინტრახტი		დაწვრილებით
16.05	17:30	ვერდერი		0:2		გლადბახი		დაწვრილებით
16.05	17:30	ფრაიბურგი		2:1		ბაიერნი		დაწვრილებით
16.05	17:30	შტუტგარტი		2:1		ჰამბურგი		დაწვრილებით