ლორენტე: “ბარსელონა” მსოფლიოს საუკეთესო კლუბია”

ტურინის “იუვენტუსის” თავდამსხმელმა ფერნანდო ლორენტემ განაცხადა, რომ 6 ივნისს ჩემპიონთა ლიგის ფინალურ მატჩში “ბებერ სინიორას” “ბარსელონას” სახით მსოფლიოს საუკეთესო კლუბთან მოუწევს დაპირისპირება.

“დიდი ფინალი გველის. ეს სეზონი შესანიშნავად გავიარეთ. იმედი მაქვს, “ბარსელონასთან” მატჩს საუკეთესო მდგომარეობაში შევხვდებით. ვიცით, რომ ძალიან, ძალიან რთული შეხვედრა იქნება, რადგან ჩვენ ვხვდებით გუნდს, რომელიც დღესდღეობით საუკეთესო ფორმაშია. ვფიქრობ, “ბარსელონა” მსოფლიოს საუკეთესო კლუბია. ეს გუნდი დანარჩენებზე მაღლა დგას. თუმცა, ფეხბურთში საუკეთესო ყოველთვის ვერ იმარჯვებს. ფინალი ერთი შეხვედრისგან შედგება და ეს ჩვენთვის უფრო დიდი შანსია, ვიდრე ორმატჩიანი დაპირისპირება”, – ლორენტეს კომენტარი “მარკამ” გამოაქვეყნა.