“მეტალურგი-2” – “ტორპედო-2” 3:1

23 მაისს საქართველოს 26-ე ეროვნული ჩემპიონატის უმაღლეს ლიგაში მონაწილე გუნდების დუბლშემადგენლობათა ტურნირიც დასრულდა. ბოლო ტურში ქუთაისის „ტორპედო-2“(მწვრთნელები – გიორგი სუხიაშვილი, ვლადიმერ ჭყონია) რუსთავში „ფოლადის“ სტადიონზე ადგილობრივი „მეტალურგის“ სარეზერვო გუნდს ესტუმრა.

შეხვედრა გარდამავალი უპირატესობით მიმდინარეობდა, თუმცა ორივე გუნდის მიერ თითქმის თანაბრად შექმნილი საგოლე მომენტების უფრო მეტი ნაწილი მასპინძლებმა გამოიყენეს, რომლებიც მეორე ტაიმის დასაწყისისთვის 2:0-ს იგებდნენ, როცა ტორპედოელებმა ერთი გოლი გაქვითეს. გოლით თავი შალვა ფურცხვანიძემ გამოიჩინა. მალევე, ამ უკანასკნელსა და მცველ ბექა შეყრილაძეს არბიტრმა წითელი ბარათი უჩვენა და სტუმრები 9 კაცით დატოვა. ამით რუსთაველებმა(ბოლოს მათაც გაუძევეს ფეხბურელი) ისარგებლეს და სხვაობა ისევ გაზარდეს. მეტჯერ აღარაფერი შეცვლილა და საბოლოო ანგარიშით, 3:1 „მეტალურგმა“ იმარჯვა.

მაშასადამე, „ტორპედოს“ სათადარიგო გუნდმა ეს ჩემპიონატი მე-11 ადგილზე დაასრულა.

„ტორპედო-2“: გეგუჩაძე, შეყრილაძე, კუჭუხიძე, წიქარიშვილი, მარდალეიშვილი(თევზაძე 65), ხვიჩია(ჯავახაძე 46), ფურცხვანიძე, ფანცხავა, ზაქარაშვილი, ჟღენტი(ნამიჭეიშვილი 60), ჩიხლაძე(იონანიძე 55).

FCTorpedo.GE