“იუვენტუსი”-“ბარსელონა”. წინასამატჩო კომენტარები
როგორც იცით, დღეს ბერლინში ჩემპიონთა ლიგის ფინალია, “იუვენტუსსა” და “ბარსელონას” შორის.
გაიმართა წინასამატჩო პრეს-კონფერენცია. გუნდის მწვრთნელები, პრესის წინაშე კარლოს ტევესითა და ხერარდ პიკეთი წარსდგნენ.
მასიმილიანო ალეგრი, “იუვენტუსის” მთავარი მწვრთნელი:
“ჩვენ ვთამაშობთ იმ გუნდის წინააღმდეგ, რომელიც ინდივიდუალურად და გუნდურად ბრწყინვალედ თამაშობს, მაგრამ როგორც ნებისმიერ კლუბს, ისე “ბარსელონასაც” აქვს სისუსტეები. მესი? იმედი მაქვს, ხვალ მას შევაჩერებთ”.
ლუის ენრიკე, “ბარსელონას” მთავარი მწვრთნელი:
“ჩემპიონთა ლიგაზე ბევრი გოლი გავიტანეთ, მაგრამ ეს ყველასგან განსხვავებული მატჩია. ამ დაპირისპირებას დიდი ზეწოლა მოჰყვება, რომლის თავიდან აცილებასაც ვცდილობთ. ჩვენ გვესმის, რომ “იუვენტუსი” ბურთის დაჭერას და ხისტ სტილს მიმართავს. გამარჯვებული იმაზეა დამოკიდებული, ვინც ფსიქოლიგურ დატვირთვებს უკეთესად გაართმევს თავს”.
ხერარდ პიკე, “ბარსელონას” ცენტრალური მცველი:
“ჩვენ გვყავს ლეო მესი, ნეიმარი, სუარესი და ანდრეს ინიესტა. ვართ დიდებული კლუბი. ერთ-ერთი საუკეთესოები ფეხბურთის ისტორიაში. ალბათ, სეზონის დასაწყისში კარგად არ გამოვიყურებოდით, მაგრამ შემდეგ ყველაფერი სასიკეთოდ შეიცვალა. გვაქვს შანსი, ხალხს ხვალ დავანახოთ, რამდენად კარგები ვართ”.
კარლოს ტევესი, “იუვენტუსის” თავდამსხმელი:
“ბარსელონა – საუკეთესო გუნდი მსოფლიოში. ხვალ დავუპირისპირდებით სამ გენიალურ თავდამსხმელს. ყველაფერი უნდა გავაკეთოთ ისე, როგორც მწვრთნელი გვეტყვის და მჯერა, რომ სასურველ შედეგს მივაღწევთ”.
