რიოს გზა ლუჟნიკში იწყება
საქართველოს შვიდკაცა გაემგზავრა მოსკოვს, სადაც ვიქენდზე, ლუჟნიკში, ევროპის “გრან პრის” სამიდან პირველი ეტაპია.
შვიდკაცის ახალი საერთაშორისო სეზონი განსაკუთრებულია:
გაისად, 2016 წელს, რიოში (ბრაზილია) რაგბი ოლიმპიადაზე რომ ბრუნდება, შეჯიბრის თითქმის ყველა მონაწილე წლეულს უნდა შეირჩეს.
ოლიმპიური რაგბი
რაგბი ოლიმპიური პროგრამიდან 1924 წლის, პარიზის ტურნირის შემდეგ ამოიღეს.
ბრიტანელებს მერეც კარგა ხანს არად უღირდათ სპორტის მსოფლიო ზეიმში მონაწილეობა, მაგრამ 1990-იან წლებში აზრი რადიკალურად იცვალეს.
ჰოდა, მეორე ცდით, 2009 წელს, ოვალურ-ბურთა თამაშმა აღიდგინა დაკარგული სტატუსი, ოღონდაც სხვა ფორმით – შვიდკაცად.
რიოს დასი
რიოში ვაჟთა 12 გუნდი იასპარეზებს.
მასპინძელი ბრაზილია შეჯიბრზე პირდაპირაა დაშვებული. ოთხი საგზური მაისში დასრულებულ, 9-ეტაპა “მსოფლიო სერიაში” გათამაშდა: დასს დაემატნენ ფიჯი (ჩემპიონი). სამხრეთი აფრიკა, ახალი ზელანდია და დიდი ბრიტანეთი.
“მსოფლიო რაგბის” 6-ვე რეგიონის თითო ფალავანი წელსვე უნდა შეირჩეს, ბოლო, მე-12 მონაწილე კი გაისადღა, წლის პირველ ნახევარში,
16-გუნდა “მსოფლიო რეპეშაჟში” გამოვლინდება.
შერჩევის სქემა
საქართველო ბოლო წლებში “მსოფლიო სერიაში” ვერ მონაწილეობს, რის გამოც
ოლიმპიადაზე ევროპიდან ან მსოფლიო რეპეშაჟიდან თუღა მოხვდება.
ევროპაში შერჩევა “გრან პრის” სამ ეტაპად და რეგიონულ (+) რეპეშაჟად მოეწყობა
შემდეგი სქემით:
სერიის გამარჯვებული მიიღებს რიოს საგზურს;
მეორე ადგილოსანი გავა მსოფლიო რეპეშაჟში;
გრან პრის ყველა სხვა მონაწილე კი, სამი ქვემო ევროპული დონის რჩეულებთან ერთად,
ჩაებმება 12-გუნდა რეგიონულ რეპეშაჟში (+), საიდანაც მსოფლიო რეპეშაჟის საგზურს სამი უკეთესი მიიღებს.
ევროპის შვიდკაცა 2015
“გრან პრის” სერია
| ეტაპი | ვადა | ადგილი |
| 1 | 6–7/06 | მოსკოვი (რუს) |
| 2 | 13–14/06 | ლიონი (სფრ) |
| 3 | 11–12/07 | ექსეთერი (ინგ) |
| + | 18–19/07 | ლისაბონი (პორ) |
ლუჟნიკური განრიგი
რაკი ინგლისმა ბრიტანეთს მსოფლიო სერიაში მოუპოვა რიოს საგზური, ის და უელსი მხოლოდ “გრან პრისთვის” იშვიდკაცებენ და ალბათ ჯეელებს გამოცდიან, შოტლანდიამ კი სახსარი დაზოგა და უქმობს, რის გამოც რუმინეთს გავარდნა აცდა.
გრან პრის ეტაპები შარშან დამუშავებული, 12-გუნდა ფორმატით ჩატარდება.
დასი შაბათისთვის იყოფა სამ, 4-გუნდა პულად, საკვირაოდ კი პირველ-მეორენი და ორი უკეთესი მესამეც განაგრძობს თასისთვის ბრძოლას.
| I ეტაპი |
| მოსკოვი, ლუჟნიკი (რუს) @ საქართველოს დროით |
|
საქართველო – |
| 6/06 | 12.06 | უელსი | ||||||||||||||||||||||||||||||||||||||||||||||||||||||||||||||||
| 14.00 | საფრანგეთი | |||||||||||||||||||||||||||||||||||||||||||||||||||||||||||||||||
| 17.00 | რუმინეთი | 0:0 | ||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||
| 7/06 | 11.00 | – 12.06 (1/4ფ) | 0:0 | |||||||||||||||||||||||||||||||||||||||||||||||||||||||||||||||
| 12.28 | – 15.18 (1/2ფ) | 0:0 | ||||||||||||||||||||||||||||||||||||||||||||||||||||||||||||||||
| 15.40 |
– 18.05 (ფ) |
0:0 | ||||||||||||||||||||||||||||||||||||||||||||||||||||||||||||||||
ევროპული მონაგარი
ჩვენი შვიდკაცა ბოლო წლებში ისე ვეღარ ყოჩაღობს, როგორც საუკუნეთა შესაყარზე.
ბოლო ხელ-შესახებ წარმატებას შვიდი წლის წინ (2008) მივაღწიეთ:
ევროპაში მესამე ადგილზე დავაფინიშეთ და მსოფლიო თასზე გავედით,
ბოლო სამ (2012 – 14) “გრან პრიზე” კი VIII ადგილს ვეღარ ავცდით.
საქართველო ევრო-შვიდკაცაზე
2002 II, 2003 III, 2004 VI, 2005 X, 2006 V, 2007 VII,
2008 III, 2009 V, 2010 V, 2011 VI, 2012 VIII, 2013 VIII, 2014 VIII
ჩვენი სტრატეგია
მოსკოვისთვის ჩვენი გუნდი ამსტერდამში მოითელა.
რაზმი, მიზეზთა გამო, ვერც ამჯერადაა ოპტიმალური,
მაგრამ შვიდკაცის შტაბის სტრატეგიაც გასაგებია:
“გრან პრი” ბიჭების გამოსაცდელად და შესათამაშებლად უნდა გამოვიყენოთ,
რადგან ყველა მონაწილე ისედაც ხვდება ლისაბონში, რეგიონულ რეპეშაჟზე.
რაც შეეხებათ ფავორიტებს, ეგენი არიან “მსოფლიო სერიის” მონაწილენი –
საფრანგეთი, ევროპის 8-ზის ჩემპიონი პორტუგალია და საგაისოდ ელიტაში აღზევებული რუსეთიც.
ჩვენი რანგისა არიან ესპანეთი და ბელგია, მაგრამ არც იტალიაა ჩამოსაწერი,
რადგან საოლიმპიადოდ შვიდკაცას უფრო სერიოზულად მოეკიდება.
| # | საქართველოს შვიდკაცა მოსკოვი 2015 |
|
1 |
ზურაბ ძნელაძე (ლოკომოტივი) |
|
2 |
ბახვა კობახიძე (ბათუმი) |
|
3 |
ალექსანდრე ხუციშვილი (ყოჩები) |
|
4 |
ბიძინა სამხარაძე (ბაია მარე, რუმინეთი) |
|
5 |
შალვა მახარაშვილი (ყოჩები) |
|
6 |
დიმიტრი კალანდაძე (ლოკომოტივი) |
|
7 |
გიორგი შკინინი (ლოკომოტივი) |
|
8 |
ნიკო აფციაური (ყოჩები) |
|
9 |
საბა შუბითიძე (ჯიქი) |
| 10 |
ბექა ბებიაშვილი (ხარები) |
|
11 |
ირაკლი გეგენავა (ყოჩები) |
|
12 |
ლადო მიმინოშვილი (ბათუმი) |
| . |
ლაშა ფოფხაძე (ლოკომოტივი) |
|
ნოდარ ანდღულაძე (მენეჯერი) |
|
|
კახაბერ ალანია (მთავარი მწვრთნელი) |
|
|
ზაალ ლეჟავა (მწვრთნელი) |
|
|
პავლე ჯიმშელაძე (მწვრთნელი) |
|
|
სანდრო ჭეიშვილი (ვიდეო ანალიტიკოსი) |
|
|
ვახტანგ წიკლაური (ექიმი) |
|
|
ივანე ერგემლიძე (მაწრთობი) |
|
Rugby.GE
