სამთავრობო ვიზიტი “შევარდენზე”
საქართველოს პრემიერ–მინისტრი ირაკლი ღარიბაშვილი, სპორტისა დაახალგაზრდობის საქმეთა მინისტრ ტარიელ ხეჩიკაშვილთან ერთად, დღეს სარაგბობაზა „შევარდენზე“ იმყოფებოდა, სადაც სავარჯიშო დარბაზი და სათამაშო მოედნებიდაათვალიერა.
პრემიერი ბაზაზე 18 და 20 წლამდელთა ნაკრების მორაგბეებს შეხვდა და მათ მიღწეული წარმატებები მიულოცა. ახალგაზრდული ნაკრებების წევრებმა და რაგბის კავშირის პრეზიდენტმა პრემიერ-მინისტრს თანადგომისა და მხარდაჭერისთვის მადლობა გადაუხადეს.
საქართველოს პრემიერ-მინისტრი, ირაკლი ღარიბაშვილი: „ჩვენი მორაგბეები ჩვენი სიამაყეები არიან და მე როგორც მთავრობის მეთაურს და ზოგადად მოქალაქეს გული სიამაყით მევსება, როცა ვუყურებ ამ ძალიან მაგარი ბიჭების წარმატებას. სწორედ მათი დამსახურება არის ის, რომ რაგბი ვითარდება. რა თქმა უნდა, გახსოვთ, რომ რამდენიმე წლის წინ ბატონმა ბიძინამ დაიწყო რაგბის უპრეცენდენტო დახმარების პროგრამა, რომლის ფარგლებშიც უკვე რამდენიმე სარაგბო ბაზაა აშენებული.
„მინდა გითხრათ, რომ ჩვენს მორაგბეებს სახელმწიფოსგან აქვთ მაქსიმალური მხარდაჭერა. ის ფაქტი, რომ 18-წლამდელთა ნაკრები ევროპის ვიცე-ჩემპიონი გახდა ამით ყველაფერი ნათქვამია. 20-წლამდე ნაკრები, რომ 2016 წელს იასპარეზებს მსოფლიო ჩემპიონატში ეს უდიდესი გამარჯვებაა. და შემთხვევითი არ არის ის, რომ საქართველოში 2017 წელს ტარდება 20-წლამდელთა მსოფლიო ჩემპიონატი. ეს ჩვენი გმირი ბიჭების ძალიან დიდი აღიარებაა. მინდა სრული მხარდაჭერა აღვუთქვა და დავპირდე მათ, რომ ჩვენ გავაკეთებთ მაქსიმუმს და 2017 წელს საქართველოში გამართულ ახალგაზრდულ მსოფლიო თასს მოვიგებთ ჩვენ.“
სპორტისა და ახალგაზრდობის საქმეთა მინისტრი, ტარიელ ხეჩიკაშვილი: „გვინდოდა ჩვენი წარმატებული სპორტსმენებისთვის მადლობა გადაგვეხადა. კიდევ ერთხელ გაგვესვა ხაზი იმ სწორი პოლიტიკისთვის, რაც მთლიანად მთავრობისა და რაგბის კავშირის დამსახურებაა. რაგბის კავშირი უნდა გახდეს მაგალითი სხვა ფედერაციებისთვისაც, როგორც სწორი მენეჯმენტის და სწორი მმართველობის მაგალითი. რაგბის კავშირთან გრძელვადიანმა თანამშრომლობამ მოგვცა ის შედეგი, რომლითაც ამაყობს მთელი საქართველო. ვფიქრობ, რომ ეს წარმატებები გაგრძელდება და ამით პირველ რიგში გაიხარებს ჩვენი გულშემატკივარი.“
დღევანდელ ვიზიტზე კომენტარი გააკეთა რაგბის კავშირის პრეზიდენტმა, გია ნიჟარაძემ: “დღევანდელი ვიზიტი ჩვენთვის დიდი პატივია. ჩვენ ძალიან მადლობლები ვართ იმ მხარდაჭერისთვის, რასაც სახელმწიფო იჩენს რაგბის და ზოგადად სპორტის მიმართ. როდესაც ბატონი ირაკლი საქველმოქმედო ფონდი „ქართუს“ დირექტორი, მან დიდი წვლილი და შრომა ჩადო კონკრეტულად ამ ბაზის მშენებლობაში. თქვენ იცით, რომ ყველა სარაგბო ბაზა არის „ქართუს“ აშენებული.
“ბიჭებისთვისაც დიდი სტიმულია როდესაც პრემიერი მოდის პირადად, რომ გვილოცავს ასეთ წარმატებას, ეს დამატებითი მოტივაციაა ამ ბიჭებისთვის და იმედია, რომ კიდევ უფრო მაღალ შედეგებს მიაღწევენ. ქართული რაგბი ამისკენ მიდიოდა ძალიან ბევრი წელი, ბევრი თაობა და დარწმუნებული ვარ კიდევ უფრო შორს წავა.”
20-წლამდელთა ნაკრების კაპიტანი, ბადრი ალხაზაშვილი: „ძალიან დასაფასებელი და სასიხარულოა ის ფაქტი, რომ დღეს ბატონი პრემიერ-მინისტრი სპორტის მინისტრთან ერთად გვესტუმრა. დავილაპარაკეთ, მოგვილოცეს, ჩვენც დიდი მადლობა გადავუხადეთ მათ მხარდაჭერისთვის. რაც შეეხება მსოფლიო თასის ალაფაზე ჩვენს გავამრჯვებას ნამდვილად არ იყო ადვილი. მოგეხსენებათ საკმაოდ ძლიერი გუნდები მონაწილეობდნენ. წინა წელსაც ვიყავით ალაფაზე გასულები, მაგრამ მხოლოდ და მხოლოდ მე-5 ადგილის დაკავება შევძელით. წელს კი, ამ ტურნირზე გასვლით პირველი ადგილი დავიკავეთ და ამით მოვიპოვეთ საგზური მსოფლიო თასისთვის, რომელშიც 12 საუკეთესო გუნდი იღებს მონაწილეობას. ეს ძალიან მნიშვნელოვანია, როგორც ჩვენი ნაკრებისთვის, ისე მთლიანად საქართველოსთვის.“
მთავრობის მეთაურმა ქართველ მორაგბეებთან სამახსოვრო ფოტოები გადაიღო. რაგბის კავშირის პრეზიდენტმა კი პრემიერ-მინისტრს საჩუქრად გადასცა რაგბის ბურთი და მაისური, რომლითაც 20 წლამდე მორაგბეთა ნაკრები მსოფლიო ჩემპიონატზე იასპარეზებს.
Rugby.GE
