მსოფლიო თასზე დასასწრებად დამატებით 30,000 ბილეთი გაიყიდება
გულშემატკივრებს 2015 წლის მსოფლიო თასზე დასასწრები ბილეთების შესაძენად კიდევ ერთი შესაძლებლობა ეძლევათ. დამატებითი ადგილების გაყიდვა ოფიციალურად შემდეგი კვირიდან დაიწყება.
ბილეთებზე უპრეცენდენტო მოთხოვნის გამო, მსოფლიო თასზე დამატებით 30, 000 ადგილი გაიყიდება. გულშემატკივრებს ბილეთების შეძენა 25 ივნისიდან შეეძლებათ და გასაყიდ ადგილებში თვიქნჰემის სტადიონზე გასამართი 5 მატჩზე დასასწრები ბილეთებიც მოიაზრება, რომლებიც სი (C) და დი (D) კატეგორიის ადგილებსაც მოიცავს.
მსოფლიო თასის 26 მატჩის 10 სხვადასხვა ლოკაციაზე დასასწრებად ჯამში 80 000 ბილეთი დაიბეჭდა. დამატებით ბილეთებში ის 3 000 ბილეთიც შედის, რომლებიც ტურნირის პირველი მატჩის, 18 სექტემბერს გასამართი ინგლისი-ფიჯის მატჩთან ერთად, მსოფლიო თასის გასხნის ცერემონიაზე დასწრების უფლებითაც სარგებლობენ. 4000 ბილეთი კი თვიქნემზე გასამართი თითოეული მეოთხედ-ფინალისთვისაა განკუთვნილი. ბილეთების ყიდვა ასევე შესაძლებელია 10 ოქტომბრის ავსტრალია-უელსისა და 19 სექტემბრის საფრანგეთი-იტალიის გათამაშებებზეც. ჩამოთვლილი მატჩების ყველა ბილეთი ეი (A) და ბი (B) კატეგორიისაა.
დამატებითი ბილეთები მსოფლიო თასის ლიმიტირებული პროგრამის ფარგლებში სტადიონებზე დამატებული ადგილებისა და დაბრუნებული ბილეთების ჯამს წარმოადგენს.
მატჩები, რომლებზეც ბილეთების შეძენა ჯერაც შესაძლებელია:
- ა.შ.შ – იაპონია -ქინგსჰოლმ, 11 ოქტომბერი, 20:00
- ირლანდია – რუმინეთი – ვემბლი, 27 სექტემბერი, 16:45
- საფრანგეთი – რუმინეთი – ლონდონის ოლიმპიური, 23 სექტემბერი, 20:00
- ახალი ზელანდია – ნამიბია – ლონდონის ოლიმპიური, 24 სექტემბერი, 20:00
- იტალია – კანადა – ელანდ როუდ, 26 სექტემბერი, 14:30
- საფრანგეთი – კანადა – მილთონ ქინს, 1 ოქტომბერი, 20:00
- სამოა – იაპონია – მილთონ ქინს, 3 ოქტომბერი, 14:30
- ახალი ზელანდია – ტონგა – სენთ ჯეიმზის პარკ, 9 ოქტომბერი, 20:00
- სამოა – შოტლანდია – სენთ ჯეიმზის პარკ, 10 ოქტომბერი, 14:30
- საფრანგეთი – იტალია – თვიქნემი, 19 სექტემბერი, 20:00
- ფიჯი – ურუგვაი – მილთონ ქინს, 6 ოქტომბერი, 20:00
- არგენტინა – ტონგა – ლესთერ სითი, 4 ოქტომბერი, 14:30
- კანადა – რუმინეთი – ლესთერ სითი, 6 ოქტომბერი, 16:45
- არგენტინა – ნამიბია – ლესთერ სითი, 11 ოქტომბერი, 20:00
- ინგლისი – ურუგვაი – მანჩესტერ სითი, 10 ოქტომბერი, 20:00
- ირლანდია – კანადა – მილენიუმის სტადიონი, 19 სექტემბერი, 14:30
- უელსი – ურუგვაი – მილენიუმი, 20 სექტემბერი, 14:30
- ავსტრალია – ფიჯი – მილენიუმი, 23 სექტემბერი, 16:45
- უელსი – ფიჯი – მილენიუმი, 1 ოქტომბერი, 16:45
- ახალი ზელანდია – საქართველო – მილენიუმი, 2 ოქტომბერი, 20:00
- მეოთხედფინალი 2: გ1 – დ2, მილენიუმი, 17 ოქტომბერი, 20:00
- მეოთხედფინალი 3: დ1 – გ2, მილენიუმი, 18 ოქტომბერი, 13:00
- გახსნის ცერემონიალი და ინგლისი-ფიჯი -თვიქნემი, 18 სექტემბერი, 20:00
- ავსტრალია – უელსი – თვიქნემი, 10 ოქტომბერი, 16:45
- მეოთხედფინალი 1: ბ1 – ა2, თვიქნემი, 17 ოქტომბერი, 16:00
- მეოთხედფინალი 4: ა1 – ბ2, თვიქნემი 18 ოქტომბერი, 16:00
ინგლისის რაგბი 2015-ის მმართველი დირექტორი, სტივ ბრაუნი: „2 მილიონზე მეტი ბილეთი გაიყიდა და 100 დღეზე ნაკლები რჩება მსოფლი თასის დაწყებამდე. მსოფლიოს საუკეთესო გუნდების ყურების ინტერესი მატულობს. დამატებითი ბილეთების გაყიდვა თქვიქნჰემზე გასამართ 5 მატჩზე დასწრების შესაძლებლობას იძლევა. გულშემატკივრებს, რომლებმაც აქამდე ბილეთების შეძენა ვერ მოასწრეს, ტურნირზე დასწრების დამატებითი შესაძლებლობა კვლავ ეძლევათ.
„ბილეთების გაყიდვის ოფიციალური სერვისი ცოცხალ რეჟიმში tickets.rugbyworldcup.com-ზე გაიმართება და იმ ქომაგების მხარდაჭერას გულისხმობს, რომლებმაც აქამდე ბილეთების შეძენა ვერ მოასწრეს. გულშემატკივრების საყურადღებოდ – ბილეთები გაიყიდება მხოლოდ ოფიციალურ გვერდზე და მხოლოდ აქ ნაყიდი ბილეთით შეძლებენ სტადიონზე შესვლას.“
ოფიციალური გადაყიდვის სერვისი
იმ გულშემატკივრებს კი, რომლებსაც უკვე ნაყიდი ბილეთების გაყიდვა სურთ, მათი ბილეთების გადაყიდვა ძალიან უსაფრთხო, გამჭირვალე და ავტორიზირებული სისტემით მოხდება >>> tickets.rugbyworldcup.com
მარტივი გადაყიდვის სიტემა, რომლის მოხმარებაც უფასოა, გულშემატკივრებს საშუალებას აძლევს სასურველი ბილეთი თავად აირჩიონ. თვითმომსახურების სისტემა სასურველი ბილეთის შესახებ ნებისმიერ ინფორმაციაზე ხელმოსაწვდომობას გვთავაზობს. ქომაგებს, რომლებსაც ნაყიდი ბილეთების დაბრუნება სურთ, შეუძლიათ საკუთარი ანგარიში მოცემულ ვებ-გვერდზე დაარეგისტრირონ და გაყიდონ ბილეთი ნებისმიერ დროს, თუმცა გასაყიდი ბილეთი გაყიდვაში მხოლოდ 72 საათის შემდეგ გამოჩნდება>>>tickets.rugbyworldcup.com
ოფიციალური გადაყიდვების პროგრამა ტურნირამდე და ტურნირის პერიოდშიც იმოქმედებს. მატჩამდე 24 საათით ადრე, კი კონკრეტული მატჩის ბილეთების ყიდვა-გაყიდვა შეწყდება.
Rugby.GE
