მონტოია „სევილიაში“ გადავა?
თარიღი: ივნისი 25, 2015
„სევილიას“ ხელმძღვანელობას „ბარსელონას“ მარჯვენა მცველის მარტინ მონტოიას დამატება სურს.
გასული წლის ზაფხულში კლუბმა ორწლიანი იჯარით „ბარსელონადან“ დენის სუარესი აიყვანა, მაგრამ ერთი სეზონის შემდეგ „ბარსამ“ მისი დაბრუნება ისურვა. აქედან გამომდინარე, სევილიელებს კატალონიელთა ერთ-ერთი მოთამაშის უფასო იჯარით აყვანა შეუძლიათ.
როგორც ცნობილი ეპანური გამოცემა „მარკა“ წერს, „სევილიაში“ იჯარით თამაშის ყველაზე დიდი შანსი სწორედ მარტინ მონტოიას აქვს. აქამდე 24 წლის ფეხბურთელის მსურველთა შორის „ინტერი“ და „ლივერპული“ სახელდებოდნენ, თუმცა მოლაპარაკებამდე საქმე არ მისულა.
დანი ალვესის დარჩენისა და ალეიშ ვიდალის დამატების შემდეგ, „ბარსელონაში“ მონტოიას ძირითად შემადგენლობაში თამაშის შანსი ნაკლები გახდა, შესაბამისად, მისი წასვლის ალბათობაც გაიზარდა.
მსგავსი სიახლეები