ნავალოვსკიმ, პაპავამ და შევჩენკომ „დილასთან“ ერთად მზადება დაიწყეს

„დილა“ განაგრძობს თურქულ შეკრებაზე მზადებას. 27 ივნისს უჩა სოსიაშვილმა საკუთარი გუნდი სრული დატვირთვით ავარჯიშა.

დღეს გუნდს შეუერთდნენ გიორგი ნავალოვსკი, რომელსაც ქართველი გულშემატკივარი საკმაოდ კარგად იცნობს. ასევე 22 წლის ცენტრალური ნახევარმცველი გიორგი პაპავა, რომელიც თბილისის „დინამოში“ გამოდიოდა, ხოლო ბოლო 6 თვის განმავლობაში კვიპროსულ „ნეა სალამისა“-ში გახლდათ. პაპავას არაერთი შეხვედრა აქვს საქართველოს 21 წლამდე ნაკრებში ჩატარებული და ასევე ეროვნულ ნაკრებშიც გახლდათ გამოძახებული.

ასევე დღეს გუნდს შეუერთდა კიევის „დინამოს“ ერთ-ერთი გოლკიპერი ალექსეი შევჩენკო, რომელიც გასრულებული ეროვნული ჩემპიონატის მეორე წრეში ქუთაისის „ტორპედოში“ თამაშობდა.

ინდივიდუალურად ივარჯიშეს: გიორგი ნავალოვსკიმ, გიორგი პაპავამ და გუგა ფალავანდიშვილმა.

ხვალ გუნდი ორ ნაწილად გაიყოფა და სხვა გუნდებთან სპარინგ-მატჩამდე, ერთმანეთში ითამაშებენ.

„დილას“ პრესსამსახური