კაჭარავა „ბოტოშანთან“ მარცხის შემდეგ: „ამ გამოუცდელ მოთამაშეებს ვერაფერს მოვთხოვთ“
„ცხინვალის“ მთავარმა მწვრთნელმა კახა კაჭარავამ „ბოტოშანთან“ ევროპის ლიგის მეორე საკვალიფიკაციო ეტაპის წაგებული მატჩი შეაფასა.
„ცუდი თამაში გამოვიდა. პირველივე წუთიდან ცუდად ვთამაშობდით და შევცდით. მეტოქე კარგი და გამოცდილი გუნდი იყო. ჩვენს კარში გოლები ცენტრალური მცველების შეცდომებს მოჰყვა.
ამ წაგების გამო ტრაგედია არ უნდა შევქმნათ. უფრო მეტი პროგრესი გვჭირდება, ვფიქრობ, პრობლემა სწორედ ამაშია. ამ ახალგაზრდა, გამოუცდელ მოთამაშეებს ასეთ დოენზე მეტს ვერ მოვთხოვთ. მთავარია, ეს გუნდი შენარჩუნდეს და მას განვითარების საშუალება ჰქონდეს.
ვიცოდით, რამდენად ძლიერ გუნდს შევხვდით. „ბოტოშანი“ შეთამაშებული და დაბალანსირებული კოლექტივია. უნდა გავაანალიზოთ, თუ რატომ დავმარცხდით. თუ საქართველოს ჩემპიოანტში შეცდომას გვპატიობენ, აქ იგივე ვერ განმეორდება.
ზოგმა ფეხბურთელმა გულშემატკვირების ამ რაოდენობის წინააღმდეგ მხოლოდ პრიველად ითამაშა. ჩემპიონატში ჩვენს მატჩებზე, ძირითადად, მოთამაშეთა ნათესავები დადიან.
მსაჯის მუშაობაზე საუბარი არ მსურს, ზოგადად, ამ თემაზე კომენტარისგან ყოველთვის თავს ვიკავებ“, – განაცხადა კაჭარავამ.
