მოულოდნელი გადაწყვეტილება: იბრაჰიმოვიჩი ვან პერსის შეცვლის?

რობინ ვან პერსისა და რადამელ ფალკაოს გაშვების შემდეგ, “მანჩესტერ იუნაიტედი” აქტიურად ეძებს ცენტრ-ფორვარდს.

Mirror-ის გავრცელებული ინფორმაციით, “წითელი ეშმაკები” კოლუმბიელ-ჰოლანდიელის შემცვლელად სწორედ შვედ შემტევს მოიაზრებენ.

ვან გაალს ზაფხულის სატრანსფერო ფანჯარაზე ნაყოფიერი მუშაობა მისდის, მან უკვე იყიდა მატეო დარმიანი, ბასტიან შვაინშტაიგერი და მორგან შნეიდერლინი, მაგრამ განაცხადა, რომ გულშემატკივარს უმზადებს საოცარ სიურპრიზს და იქნებ, ეს საჩუქარი სწორედ ზლატან იბრაჰიმოვიჩის დამატება იყოს.

ამას გარდა, უცხოური ტაბლოიტები ამტკიცებენ, რომ 33 წლის წინახაზელს გადაწყვეტილება მიღებული აქვს. იგი შეთანხმებულია “მილანთან” და საფრანგეთის სუპერთასის მატჩის შემდეგ იტალიურ გრანდს შეუერთდება.