კახა ცხადაძე: “მე და ფეხბურთელები ოპტიმისტურად ვართ განწყობილები”
საქართველოს ეროვნული ნაკრების მთავარმა მწვრთნელმა კახა ცხადაძემ მსოფლიოს 2018 წლის ჩემპიონატის შესარჩევი ეტაპის წილისყრა შეაფასა. ცხადაძის აზრით, კარგი შედეგის მიღწევა ყველა მეტოქესთან შეიძლება.
შეგახსენებთ, რომ გუშინ, წილისყრის შედეგად გაირკვა, რომ საქართველოს ნაკრებს D ჯგუფში უელსის, ავსტრიის, ირლანდიის, სერბეთისა და მოლდოვის ნაკრებები დაუპირისპირდებიან.
“არცერთი გუნდი არ არის გრანდი, მაგრამ პირველი ოთხი ნაკრები ყველა თანაბარი დონის არის ფაქტობრივად,
ანუ ყველასთან შეიძლება თამაში კარგი შედეგისთვის. დანარჩენს დრო გვიჩვენებს, ის რაც დასახული გვაქვს ვფიქრობ შესაძლებელი იქნება რომ მივაღწიოთ მომდევნო საკვალიფიკაციო ეტაპზე. უახლოეს პერიოდში გვექნება კონკრეტული გეგმა, როგორ მოვემზადოთ
მომავალი საკვალიფიკაციო ეტაპისთვის. მომავალი წლის სექტემბრამდე ყველა შესაძლებლობას გამოვიყენებთ, რომ გუნდი კარგად მოემზადოს, ასევე ფეხბურთელები, რომ ფსიქოლოგიურად მზად შეხვდნენ ახალ შესარჩევ ეტაპს.
მნიშვნელოვანია, თამაშების მოგება, რომ რწმება დავიბრუნოთ. ოპტიმისტურად ვარ განწყობილი, ვესაუბრე ფეხბურთელებსაც და ისინიც ოპტიმისტურად არიან. მთავარია ყველა ჯანმრთელად იყოს და ჩვენი ნაკრების წევრებს ჰქონდეთ საკმარისი სათამაშო პრაქტიკა”, – კახა ცხადაძე
წყარო: GFF
