„სიონი“ ბოლნისში ბრუნდება
2015/16 წლების სეზონის საქართველოს უმაღლესი ლიგის გათამაშების საშინაო შეხვედრებს ბოლნისის „სიონი“ საშინაო სტადიონზე ჩაატარებს. აღნიშნული ინფორმაცია ბოლნელთა ოფიციალურმა ვებსაიტმა დაადასტურა.
დღეს ბოლნისის სტადიონი საქართველოს ფეხბურთის ფედერაციის საშეჯიბრო განყოფილების ხელმძღვანელმა დიმიტრი ბოკერიამ მოინახულა. საბოლოოდ, გადაწყდა, რომ „სიონს“ საკუთარ სტადიონზე მატჩების ჩატარების უფლება მიეცემა.
ამავადროულად სთქმელია, რომ ბოლნისის წარმოადგენელი საშინაო შეხვედრებს თავის ქალაქში მხოლოდ ორი თვის განამვლობაში გამართავს, რის შემდეგაც გორში გადასვლა მოუწევს.
ცნობისთვის, საქართველოს ჩემპიონატის პირველი საშინაო მატჩი „სიონს“ ქობოლეთის „შუქურასთან“ უწევს.
შეგახსენებთ, რომ „სიონს“ საკუთარ მოედანზე 2012/13 წლების სეზონის შემდეგ არ უთამაშია. ამ დროის განმავლობაში კლუბი საშინაო შეხვედრებს მიხეილ მესხის სახელობის სტადიონზე ატარებდა.
