“საუთჰემპტონმა” მანე “იუნაიტედს” არ მიჰყიდა

“წითელი ეშმაკები” მიმდინარე ზაფხულის სატრანსფერო ფანჯარაზე კვლავ რეგრესს განიცდიან.

მოგეხსენებათ, გუშინ გაირკვა, რომ პედრო როდრიგესმა ლონდონის “ჩელსის” შემადგენლობაში გადასვლა ამჯობინა, რის შემდეგაც “მანჩესტერ იუნაიტედის” ხელმძღვანელობამ “საუთჰემპტონს” 23 წლის სენეგალელი შემტევი ნახევარმცველის, სადიო მანეს ტრანსფერის თაობაზე მიმართა.

თუმცა, როგორც აღმოჩნდა, მანჩესტერელთა ეს მცდელობაც წარუმატებელი აღმოჩნდა. Sky Sports-ის თანახმად, “საუთჰემპტონის” ხელმძღვანელობა მანეს გაშვების ვარიანტს არც კი განიხილავს, რადგან ის გუნდისთვის ძალიან მნიშვნელოვანი ფიგურაა.

შეგახსენებთ, გასულ სეზონში მანემ 30 მატჩი ჩაატარა და მეტოქეთა კარი ათჯერ აიღო.