Sky Sports: “იუნაიტედი” ბეილით კვლავ ინტერესდება

“წითელ ეშაკებს” უელსის ნაკრების ფეხბურთელის მიმართ ინტერესი არ დაუკარგავთ.

ბრიტანული გამოცემა Sky Sports-ის ინფორმაციით, “მანჩესტერ იუნაიტედის” ხელმძღვანელობა გარეტ ბეილის გადაბირებით ჯერ კიდევ არის დაინტერესებული.

თუმცა, მანჩესტერელებს უელსელი გარემარბის თაობაზე მოლაპარაკებები დღემდე არ დაუწყიათ და შესაბამისად, არც რაიმე ოფიციალური შეთავაზება გაკეთებულა მადრიდის “რეალის” მიმართ, მაგრამ ეს იმას არ ნიშნავს, რომ მათ “ტოტენჰემის” ყოფილი ფეხბურთელის შეძენა გადაიფიქრეს.

ლუის ვან გაალის ასეთი პასიურობა ალბათ იმით აიხსნება, რომ მანჩესტერში კარგად იციან ის ფაქტი, რომ “სამეფო კლუბი” სატრანსფერო ფანჯრის დამთავრებამდე რამდენიმე დღით ადრე წამყვანი მოთამაშის გაშვებას არ აპირებს და მათ დიდი ამბიციები გააჩნიათ. აქედან გამომდინარე, სავარაუდოდ, მანჩესტერელებს ერთი წელი მოცდა მოუწევთ.