იარმოლენკოს მხოლოდ “ბარსელონაში” სურს

უკრაინის ეროვნული ნაკრების ფეხბურთელს ესპანეთის მოქმედ ჩემპიონთა შემადგენლობაში გადასვლის დიდი იმედი აქვს.

ანდრეი იარმოლენკომ “ევერტონის” ხელმძღვანელობის შემოთავაზება უარყო, რადგან თავდამსხმელი კვლავ იმედოვნებს, რომ უახლოეს მომავალში კატალონიის დედაქალაქში გადაბარგდება. მერსესაიდელები ანდრეის სანაცვლოდ 25 მილიონ ევროს იმეტებდნენ, თუმცა ეს წინადადება უარით დაუბრუნდათ.

“ბარსელონა” მზადაა, იარმოლენკოს სანაცვლოდ კიევის “დინამოს” 20 მილიონი ევრო გადაუხადოს, მაგრამ ოფიციალური შეთავაზება არ გაკეთებულა. “ბლაუგრანა” უკრაინელის შეძენას იანვარში გეგმავს.

შეგახსენებთ, იარმოლენკო უეფას ჩემპიონთა ლიგაზე “დინამოს” განაცხადში უკვე შედის, აქედან გამომდინარე, “ბარსელონაში” ზამთარში გადასვლის შემთხვევაში, ფეხბურთელს თავისი ახალი გუნდის დახმარების უფლება ჩემპიონთა ლიგის 2015-16 წლების სეზონში არ ექნება.