ლეგენდების მატჩში “მანჩესტერმა” “ლივერპული” დაამარცხა

შვედეთის დედაქალაქ სტოკჰოლმში მდებარე სტადიონ “ფრენდს არენაზე” “მანჩესტერ იუნაიტედისა” და “ლივერპულის” ლეგენდარულმა ფეხბურთელებმა საქველმოქმედო მატჩი გამართეს. შეხვედრა მანჩესტერელთა გამარჯვებით, ანგარიშით 4:2 დასრულდა.

ანგარიში მატჩის მე-20 წუთზე “ლივერპულის” ყოფილმა ნახევარმცველმა ვლადიმირ შმიცერმა გახსნა. ოთხი წუთის შემდეგ კარელ პობორსკიმ ანგარიში გაათანაბრა, 34-ე წუთზე კი დუაიტ იორკის ზუსტი დარტყმის წყალობით “მანჩესტერ იუნაიტედი” დაწინაურდა. 49-ე წუთზე “ლივერპულის” კარში მესამე გოლი ბოიან ჯორჯიჩმა გაიტანა, მე-60 წუთზე კი იესპერ ბლუმკვისტმა ანგარიში გამანადგურებელი გახადა. მე-80 წუთზე “ლივერპულის” რიგებიდან გატანილი გოლით თავი დევიდ ტომპსონმა გამოიჩინა და საბოლოო შედეგიც დააფიქსირა — 4:2.