ლოკომოტივი ჩემპიონთა ლიგაზე მარსელთან დამარცხდა

საწყლოსნო კომპლექს „ოლიმპიკში” დაიწყო წყალბურთელ ვაჟთა ჩემპიონთა ლიგის პირველი საკვალიფიკაციო რაუნდი.

საქართველოს დედაქალაქი C ჯგუფს მასპინძლობს, სადაც თავი ქართულ „ლოკომოტივთან” ერთად ფრანგულმა „მარსელმა”, გერმანულმა „ჰანოვერმა” და უნგრულმა „ჰონვედმა” მოიყარეს.

ოთხი გუნდი მეორე რაუნდის ორი საგზურისთვის იბრძვის. პირველ ტურში „ლოკომოტივმა“ 9:17 წააგო „მარსელთან“. არადა, პირველი მეოთხედი ჩვენებმა 4:5 დათმეს, ხოლო მესამე მეოთხედი სულაც 3:2 მოიგეს, მაგრამ შეცდომები მეორე (0:5) და მეოთხე (2:5) დაუშვეს და დიდი ანგარიშით დამაცხდნენ.

მეორე მატჩში „ჰანოვერსა“ და „ჰონვედს“ შორის ფრე დაფიქსირდა, 7:7.

დღეს „ლოკომოტივი“ „ჰანოვერს“ 21:30 წუთზე ეთამაშება, ხოლო მანამდე ურთიერთობას ერთმანეთში „მარსელი“ და „ჰონვედი“ გაარკვევს.