„ვითამ” ტესტ-მატჩში “ოლიმპს” მოუგო

ვითიბი ლიგისთვის სამზადისში „ვითამ“ ტესტ-მატჩი გამართა „ოლიმპთან”. ვითელთა მთავარმა მწვრთნელმა პაველ გოოგემ თავის გამოჩენის შანსი ყველას მისცა. პირველ ხუთეულში იდგა გოგა ბითაძე, რომელმაც დიდ შესვენებამდე 7 მოხსნა დააგროვა.

საინტერესო გუნდია „ოლიმპიც”, რომელიც ოდნავ შეიცვალა და კლუბმა რამდენიმე ახალი მოთამაშე დაიმატა. წელს „ოლიმპში” გადავიდნენ რეზო როგავა, რეზო დიდია.

„ვითამ” პირველი მეოთხედი 25:16 მოიგო. მეორე მეოთხედში გოოგემ დაასვენა ლეგიონერები და ეს 10 წუთი უკვე „ოლიმპის“ იყო – 19:11.

გადამწყვეტი გამოდგა ბოლო მეოთხედი, რომელიც „ვითამ“ 21:7, ხოლო მატჩი 77:68 მოიგო.

„ვითაში” კარგი სტატისტიკით დაასრულა ტესტი კარტერმა (11 ქულა, 15 მოხსნა) და მერაბ ბოქოლიშვილმა (9 ქულა, 6 მოხსნა, 5 პასი).