ვან გაალი მარტიალს აქებს

ჰოლანდიელი სპეციალისტი თავისი გუნდის ახალწვეულ მოთამაშესთან დაკავშირებით საუბრობს.

“უნდა ვაღიარო, რომ ანტონი მარტიალი გუნდს ბრწყინვალედ მოერგო. სადებიუტო სამ შეხვედრაში სამი ბურთის გატანა შეძლო. ამაში მას აშკარა ნიჭი აქვს. თუმცა, აუცილებლად უნდა აღვნიშნო, რომ 19 წლის ფეხბურთელისგან სტაბილურობას არ უნდა მოელოდე. ამ ასაკში მყოფი მოთამაშეთა უმრავლესობა სტაბილურობის შენარჩუნებას ვერ ახერხებს, თუმცა, ვფიქრობ, ანტონის შემთხვევაში ეს ასე არ იქნება, ეს დიდი პრობლემა არაა”, – აცხადებს ლუი ვან გაალი.

“მოხარული ვარ, რომ პირველ სამ შეხვედრაში მარტიალმა თავისი ნიჭის გამოვლენა შეძლო. ის ზუსტად იმ სტილში ჯდება, რომელსაც ჩვენი გუნდი იყენებს. ანტონი გვიჩვენებს, რომ მას თამაში სურს და ის ამისთვის მზადაა”, – დაასრულა “წითელ ეშმაკთა” თავკაცმა.