ბორჯღალოსნებმა ზელანდიისთვის მზადება დაიწყეს

2 ოქტომბერს, მიმდინარე მსოფლიო თასის გათამაშებაში, ბორჯღალოსნები მოქმედ მსოფლიო ჩემპიონ, ახალ ზელანდიას, სარაგბო სამყაროში ერთ-ერთ გამორჩეულ, „მილენიუმ სთედიუმზე“ ერკინებიან. მატჩი საქართველოს დროით 23 საათზე დაიწყება.

პარასკევს მგაზვრობის შემდეგ, სამწვრთნელო შტაბმა გუნდი ორი დღით დაასვენა და ეს პერიოდი აღდგენასა და ვიდეო-ანალიზს დაუთმეს.

– არგენტინის შემდეგ აღდგენას ორი სრული დღე დავუთმეთ და ვარჯიში დღეიდან განვაახლებთ. ცხადია ოლ ბლექსთან მატჩი განსაკუთრებით მნიშვნელოვანია ნებისმიერი ჩვენთაგანისთვის და განსაკუთრებით მოთამაშეებისთვის, რადგან პირველად ვხვდებით მსოფლიოში საუკეთესო გუნდს, – განაცხადა მილტონ ჰეიგმა.