“რეალი” პიანიჩით ინტერესდება?
არაა გამორიცხული, “სამეფო კლუბმა” ბოსნიელი ფეხბურთელის გადაბირებისთვის იბრძოლოს.
მოგეხსენებათ, მიმდინარე სეზონში მირალემ პიანიჩი ბრწყინვალე ფორმაში იმყოფება. მის ანგარიშზე სამი გოლი და სამი საგოლე გადაცემაა.
Calciomercato-ს ინფორმაციით, მადრიდის “რეალის” ხელმძღვანელობამ თავისი კლუბის სკაუტები იტალიის ჩემპიონატის გასულ ტურებში, “პალერმოსა” და “კარპის” წინააღმდეგ გამართულ შეხვედრებში გაგზავნა, სადაც ისინი 25 წლის ბოსნიელის თამაშს აკვირდებოდნენ.
წყაროზე დაყრდნობით, მადრიდელებს პიანიჩის ფასი ეძვირებათ. როგორც იცით, რომაელები ნახევარმცველის სანაცვლოდ 30 მილიონ გირვანქა სტერლინგს ითხოვენ.
თუმცა, ამ ტრანსფერის განხორციელება “რეალის” თავკაც რაფალ ბენიტესს ძალიან უნდა, რადგან “ნაპოლიში” გატარებული ორწლიანი სამწვრთნელო კარიერის განმავლობაში, ის პიანიჩს აკვირდებოდა და მას კარგად იცნობს.
