მასკერანო: “ბარსელონას” მოთმინება ახასიათებს”

არგენტინელი ფეხბურთელი უეფას ჩემპიონთა ლიგის ჯგუფური ეტაპის მესამე ტურის მატჩის შემდეგ კომენტარს აკეთებს.

“ბატეს” წინააღმდეგ გამართულ შეხვედრაში ბევრმა მუშაობამ მოგვიწია. უამრავი საგოლე ეპიზოდი შევქმენით. პირველი გოლი ჩვენთვის ძალიან მნიშვნელოვანი იყო. “ბარსელონას” მოთმინება ახასიათებს, რისი წყალობითაც შევძელით გამარჯვება”, – აცხადებს ხავიერ მასკერანო.

“ნეიმარი დიდებული ფეხბურთელია. ლიონელ მესი? ის შეუდარებელია. მისი შეცვლა უბრალოდ შეუძლებელია. თუმცა, სხვა მოთამაშეები გუნდში ასევე ძალიან დიდ როლს ასრულებენ. გვინდა, თამაში წარმატებით გავაგრძელოთ და შეცდომები მაქსიმალურად შევამციროთ”, – დაასრულა არგენტინელმა მცველმა.

შეგახსენებთ, “ბარსელონამ” სტუმრად “ბატე” ანგარიშით 2-0 დაამარცხა. ივან რაკიტიჩმა დუბლი შეასრულა. ორივე გოლის ეპიზოდში ხორვატ ფეხურთელს ასისტენტობა ნეიმარმა გაუწია.