მესუთ იოზილის რეკორდი ინგლისის პრემიერ ლიგაში

ლონდონის “არსენალის” ნახევარმცველმა მესუთ იოზილმა ინგლისის პრემიერ ლიგის ისტორიაში რეკორდი დაამყარა.

24 ოქტომბერს, ინგლისის პრემიერ ლიგაში, “არსენალმა” საკუთარ მოედანზე “ევერტონი” ანგარიშით 2:1 დაამარცხა. შეხვედრის 36-ე წუთზე ოლივიე ჟირუმ მეტოქის კარი სწორედ იოზილის გადაცემის შემდეგ დალაშქრა.

აღსანიშნავია, რომ ამ საგოლე გადაცემის შემდეგ გერმანელ ფეხბურთელს პრემიერ ლიგის ისტორიაში ჩატარებული მატჩებისა და საგოლე გადაცემების რაოდენობის მიხედვით საუკეთესო სტატისტიკა აქვს. იოზილი ერთი საგოლე გადაცემის გაკეთებას, საშუალოდ, 2.71 მატჩს ანდომებს.

2.71 – Mesut Özil has the best games/assist rate in @PremierLeague history – average one every 2.71 matches. (min. 20 assists) Provider.

— OptaJoe (@OptaJoe) October 24, 2015