“ჩელსი” ინგლისის ლიგის თასს გამოეთიშა (ვიდეო)

ლონდონის “ჩელსი” ინგლსისი ლიგის თასის გათამაშებიდან გამოვარდა. ჟოზე მოურინიოს გუნდი ტურნირის მეოთხე რაუნდზე “სტოკ სიტის” ესტუმრა. მატჩის ძირითადი და დამატებითი დრო ფრედ, ანგარიშით 1:1 დასრულდა, პენალტების სერიაში კი მასპინძლებმა იმარჯვეს.

“სტოკ სიტი” შეხვედრის 52-ე წუთზე ჯონათან უოლტერსმა დააწინაურა. 91-ე წუთზე წონასწორობა ლოიკ რემიმ აღადგინა. მალე “სტოკის” მცველმა ფილიპ ბარდსლიმ მეორე ყვითელი ბარათი მიიღო და მოედნის დატოვება ნაადრევად მოუხდა.

პენალტების სერიაში “სტოკმა” 5:4 იმარჯვა. აღსანიშნავია ის, რომ პენალტი მხოლოდ ედენ აზარმა გააფუჭა.

ინგლისის ლიგის თასი
მეოთხე რაუნდი
“სტოკ სიტი” — “ჩელსი” 1:1 (პენ. 5:4)

გოლები: უოლტერსი 52′ — რემი 90+1′.
გაძევება: ბარდსლი 90+3′.

სხვა მატჩები ასეთი შედეგებით დასრულდა:

“ევერტონი” — “ნორვიჩ სიტი” 1:1 (პენ. 4:3)
“შეფილდ უენსდეი” — “არსენალი” 3:0
“ჰალ სიტი” — “ლესტერ სიტი” 1:1 (პენ. 5:4)