შვაინშტაიგერმა რუნი შეაქო
„მანჩესტერ იუანიტედის“ ნახევარმცველმა ბასტიან შვაინშტაიგერმა ცსკა-სთან მოგებული მატჩის შესახებ ისაუბრა.
„ჩბენთვის ეს განსაკუთრებული მომენტია, რადგან გოლი ზედიზედ რამდენიმე მატჩში არ გაგვიტანია. უეინის გოლი მნიშვნელოვანი მას შემდეგ გახდა, რაც ცსკა-ს მეორე ტაიმში ანგარიშის გახსნა შეეძლო.
ვფიქრობ, მოგება დავიმსახურეთ, რამეთუ ბოლომდე დავიხარჯეთ, ვცდილობდით მომენტები შეგვექმნა. ცალკე პირველ ტაიმში მარკოს როხოს თამაშის აღნიშვნა შეიძლება. ჩვენთვის საკუთარ მოედანზე მოგებას დიდი მნიშვნელობა ჰქონდა. ახლა პირველ ადგილზე ვართ და პსვ-სთან შემდეგი თამაში მოსაგები გვაქვს. სიტუაცია შედარებით გამოსწორდა.
მიხარია, რომ სწორედ რუნიმ გაიტანა. ჩემი აზრით, ეს გოლი მას ხასიათს გამოუსწორებს. იმედია, უეინს ეს „ვესტ ბრომვიჩთან“ შემდეგ შეხვედრაშიც დაეხმარება“, – განუცხადა გერმანელმა „იუნაიტედის“ საკლუბო არხს.
